Þorlákshöfn er frábær staður til að búa sér notalegt heimili og
ala upp börn. Vinalegur og barnvænn bær í fullkominni nálægð
við aðra þéttbýliskjarna - eða fjarlægð. Það fer eftir því hvernig
þú lítur á það.
Skólarnir eru eitt af trompum bæjarins þar sem stutt er vel við bakið á þeim sem þess þurfa. Rúmgóður og vel búinn grunnskóli með persónulegum samskiptum á milli heimilis og skóla.
Leikskólinn Bergheimar er fimm deilda leikskóli fyrir tveggja
til sex ára börn. Ekki er mikil bið eftir leikskólaplássi og stefnt
er að því að 18 mánaða börn geti fengið vistun innan tíðar.
Öll íþróttaaðstaða í Þorlákshöfn er mjög góð og ákaflega vel nýtt af bæjarbúum. Ný og glæsileg íþróttamannvirki voru tekin í notkun sumarið 2008.
Í Þorlákshöfn er ógrynni möguleika á tómstundagamni. Menningarlíf er í miklum blóma þar sem tónlist, leiklist
og handverk ýmiskonar er í öndvegi.
Í Þorlákshöfn er ein besta hafnaraðstaða á Suðurlandi
og löngum þótti hún sú öruggasta á allri strandlengju Suðurlands. Höfnin hefur verið hjartað í atvinnu-
starfsemi bæjarins.
Margir nýir íbúar hafa nefnt að í stað þess að festa kaup
á íbúð á höfuðborgarsvæðinu hafi verið hægt að fá
íbúðarhús í Þorlákshöfn
