Frístunda- og íþróttastarf

Þjónusta fyrir börn og unglinga

Í Þorlákshöfn er starfandi félagsmiðstöð fyrir börn og unglinga í 5. - 10. bekk.  Áhersla er lögð á fjölbreytileg viðfangsefni. Unnið er í klúbbum, sértæku hópastarfi, opnu starfi og tímabundnum verkefnum. 

Í grunnskólanum er félagslíf nemenda með fjölbreyttum hætti. Nemendaráð skipuleggur ýmsa skemmtilega viðburði ásamt 10. bekk s.s. böll o.fl. Í samvinnu við foreldrafélagið skipuleggja tenglar foreldra að jafnaði tvær samverustundir í hverjum árgangi. Jólakvöldvökur eru haldnar í desember þar sem nemendur stíga á svið, þá er einnig danssýning á vorin. Ýmsar aðrar uppákomur eru í umsjón skólans svo sem listakvöld, Þorpið og fleira.

Fjölbreytt íþróttastarf er á vegum hinna ýmsu íþrótta- og frístundafélaga á staðnum.  Frekari upplýsingar um æfingar og íþróttir fást í Íþróttamiðstöðinni.

Þá er starfandi unglingadeild í  Björgunarsveitinni Mannbjörg.