Dvergaheimar - Nesið 10. apríl

Okkar vikulega ganga á Nesið er alltaf beðið með eftirvæntingu og spennu á meðal barnanna.  Við tókum með okkur nesti og annan útbúnað til að rannsaka umhverfið.  Við ætluðum að athuga hvort við sæjum fleiri fugla eða blóm í þessari ferð.

Börnin eru mjög upptekin að leita að holum og spennan felst í því að finna eitthvað dýr sem býr í holunni.  Í þessari ferð voru þau viss um að það væri ormur í holunni, heil ormafjölskylda jafnvel.  Það er nóg pláss fyrir ímyndunaraflið á meðal barnanna til að búa til sögur um holubúa á Nesinu.

Í þessari ferð tókum við stækkunargler með okkur.  Börnin skiptust á að skoða umhverfið í gegnum glerið, þau skoðuðu lyng, fjöður, nestið sitt og svo auðvitað holurnar, kannski sjá þau orminn ef þau nota stækkunarglerið.