Fréttir

Síðastliðinn þriðjudag, 18. október tókum við á Goðheimum upp úr kartöflugarðinum okkar. Börnunum fannst þetta mjög spennandi, eins og sjá má á meðfylgjandi myndum. Afraksturinn var síðan snæddur í hádeginu, og borðuðu allir af bestu lyst.

Við á Tröllaheimum vorum með uppákomu síðasta föstudag. Við sungum „Hákarlalagið“ og tókst það vel. Búið var að mála hákarl á kinnar barnanna áður en söngur hófst og var þetta mjög skemmtilegt.

Síðasta þriðjudag var ákveðið að fara út í göngu með börnin. Eldri árgangurinn fór Egilsbrautina og sáu þar: Lat, brunninn og minnisvarðann um Egil Thorarensen. Yngri árgangur fór smá hring að skrúðgarðinum og fengu aðeins að hlaupa og leika sér þar. Veðrið var æðislegt og var þetta mjög skemmtilegt. Hér eru nokkrar myndir.