Fréttir

Október fer vel af stað hjá okkur á Dvergaheimum. Veðrið hefur verið gott og börnin verið mikið úti við að leika í lóðinni eða farið í gönguferðir. Ýmislegt höfum við líka brallað inni eins og að mála, syngja, leira, leika með vatn, stökkva úr gluggakistum og fleira.

Þau Alexander, Matthías Freyr, Svala Margrét og Eldar Máni áttu öll 2 ára afmæli í september. við óskum þeim innilega til hamingju með afmælin

Í ágúst átti eitt barn afmæli hjá okkur á Ásheimum. Hann Ágúst Freyr varð 2 ára þann 30. ágúst, við óskum honum innilega til hamingju með daginn.

Á miðvikudaginn fórum við á Dvergaheimum í stutta gönguferð á heilsustígnum við leikskólann. Gönguferðin gekk mjög vel og ákveðið var að fara í berjamó en mikið er af krækiberjum í móanum okkar hér alls staðar í kring. Börnin voru alsæl með berin og voru sérstaklega dugleg að fóta sig í móanum og hrauninu.

Í sumarfríinu eiga 5 börn afmæli. Þau Jónatan Knútur og Alexandra Hrafney verða 3 ára og Alan, Íris Ósk og Ingvi Þór verða 2 ára. Við óskum þeim innilega til hamingju með afmælin.

Í gær fórum við á Oddabrautarróló að leika í blíðunni.

Í gær fórum við í heimsókn á 9-una. Börnin sungu fyrir gamla fólkið og svo fengu þau kex og safa. þar sem veðrið var gott vorum við úti og fannst börnunum gaman að leika sér á lóðinni. Sérstaklega fannst þeim gaman að sjá stóra steininn sem er með gati í gegn :)

Við fórum í ísferð í skrúðgarðinn síðastliðinn miðvikudag og fórum svo á hoppubelginn.

Á mánudaginn fórum við með Júlíönu að skoða hænur hjá mömmu hennar og pabba og kanínur hjá bróður hennar. Þetta var mjög skemmtileg ferð og þökkum við þeim kærlega fyrir að leyfa okkur að koma í heimsókn.