Fréttir

Þann 12. júní varð Íris Lilja 3 ára, við óskum henni innilega til hamingju með daginn.

Í morgun fórum við að skoða kanínur heima hjá Siggu og Gísla og fengu krakkarnir að gefa þeim gras og að klappa þeim. Einnig fórum við heim til Þuríðar og Ármanns að skoða hænur og þeir sem vildu klappa Tínu Turner máttu það. Þetta var skemmtilegur dagur hjá öllum :)

Kíktum á nýja rólóinn í búðarhverfinu :)

Við fórum í gönguferð í síðustu viku og kíktum á kanínurnar Hvíta Blóm og Loppu sem Gísli og Sigríður Ósk eiga.

Í dag fundum við síðasta hólkinn í ratleiknum og var það stafurinn O. Nú erum við búin að mynda orð með öllum bókstöfunum og orðið var Töfrapoki. Krakkarnir fegnu þá töfrapoka og í honum leyndist frostpinni. Þetta var mjög gaman þrátt fyrir smá rigningu.

Í þessari viku fóru yngri og eldri hópur að skoða hænur og kanínur. Einnig fóru allir krakkarnir út á vita með nesti og skoðuðu lífríkið þar og tókum við  meðal annars krabba, þara og kuðunga með okkur í leikskólann til að skoða  :)

Fórum að skoða steininn Lat og minnisvarðann um Egil Thorarensen

Það var ýmislegt brallað í júní og hér má finna myndir frá starfinu.

Börnin á Hulduheimum fóru í ísferð í Skálann og fengu allir ís í boði hússins. Við þökkum starfsfókinu í Skálanum kærlega fyrir góðar móttökur. 

Fórum í göngutúr út í móa að skoða pöddur og orma. Tókum með okkur nokkur stækkunargler og börnin grandskoðuðu þær pöddur og þá orma sem við fundum. Einnig var vinsælt að hoppa í stórum polli sem við fundum þar.