Jarðskjálftar

Jarðskjálftar

Fólk sem er innandyra þegar jarðskjálftar verða á að:

• Fara í opnar dyr eða út í horn burðarveggja og standa þar
• Forðast háreist húsgögn
• Gæta að börnum og sýna stillingu
• Forðast vanhugsaðar aðgerðir

Fólk sem er utandyra þegar jarðskjálftar verða á að:

• Forðast háar byggingar, raflínur og grjóthrun úr hlíðum fjalla
• Leita stystu leiða á opin svæði
• Þeir sem eru í bifreið skulu stöðva hana á svæðum án hrunhættu
• Sofa ekki undir óstyrktum hlöðnum milliveggjum

Hafa ávallt á vísum stað eftirfarandi hluti:

• Slökkvitæki
• Rafhlöðuljós og ferðaviðtæki með auka rafhlöðum
• Sjúkrakassa og helstu verkfæri, s.s. hamar, sög, tangir, skrúfjárn, skóflu og kúbein

Varnir vegna jarðskjálfta

• Festa vel stór og þung húsgögn við burðarveggi
• Festa stórar ljósakrónur í lokaðri lykkju
• Hafa þyngstu hlutina neðst í hillum
• Geyma eldfim efni í traustum lokuðum ílátum

Ef vá ber að höndum og hættuástand ríkir verða leiðbeiningar um æskileg viðbrögð almennings gefnar um útvarp og sjónvarp ef kostur er. 

Munum að við búum í landi náttúruhamfara. Sýnum fyllstu aðgætni og fyrirhyggju í samskiptum okkar við náttúruöflin.

Nánari upplýsingar um almannavarnir, viðbrögð og rannsóknir

Almannavarnadeild Ríkislögreglustjórinn
Rauðakross Íslands
Rannsóknamiðstöðin í jarðskjálftaverkfræði