Myndasafn Ölfuss

Flutningur á Lat

Hér fyrir neðan er vefslóð fyrir myndband sem er hluti af sýningunni ,,Lífið í Selvoginum" sem var sett upp sumarið 2017. Til þess að horfa á myndbandið þarf að afrita vefslóðina og opna í nýjum vefglugga. https://cl.ly/m3XT

Grænfáninn var afhentur í þriðja sinn við hátíðlega athöfn 19.5.2017

Katrín Ósk Sigurgeirsdóttir, markaðs- og menningarfulltrúi Ölfuss fór í heimsókn í Raufarhólshelli í gær og kynnti sér aðstæður og fyrirhugaðar breytingar á svæðinu. Hallgrímur Kristinsson, framkvæmdarstjóri Raufarhóls ehf tók á móti henni og sýndi henni helstu breytingar á hellinum og svæðinu fyrir ofan hann. Eins og margir vita var rekstur Raufarhólshellis leigður út á síðasta ári til félagsins Raufarhóls ehf. sem mun bjóða upp á skipulagðar ferðir um hellinn frá og með 1. júní næstkomandi. Vegna slæms umgangs og skemmda í hellinum sáu eigendur Raufarhólshellis aðeins tvennt í stöðunni og það var annað hvort að loka honum alfarið eða leigja út reksturinn til aðila sem myndu lagfæra hann og vernda. Með þessu er verið að tryggja að fleiri skemmdir verði ekki á hellinum. Búið er að fjarlægja allt sorp úr hellinum og nú er verið að byggja palla til að auðvelda aðgengi. Einnig er verið að byggja hús með salernisaðstöðu fyrir ofan hellinn og stækka bílaplanið. Það verður gaman að sjá lokaútkomuna þegar allt verður klárt í sumar.

Sigrún Magnúsdóttir umhverfis- og auðlindaráðherra kom í heimsókn í Grunnskólann í Þorlákshöfn í morgun og kynnti sér flokkunarmál í skólanum ásamt sérstöku verkefni til að minnka matarsóun. Nemendur í umhverfisnefnd skólans héldu fyrirlestur um umhverfismál skólans. Starfsmenn og nemendur skólans hafa náð að minnka matarsóun um helming á einu ári. Eftir fyrirlesturinn afhenti umhverfis- og auðlindaráðherra skólanum viðurkenningu fyrir góðan árangur í baráttunni gegn matarsóun. Sigrún, umhverfis- og auðlindaráðherra var einnig viðstödd þegar Gunnsteinn R. Ómarsson, bæjarstjóri Ölfuss, Árni Bragason, landgræðslustjóri Landgræðslu Ríkisins og Aðalsteinn Sigurgeirsson, staðgengill skógræktarstjóra Skógræktarinnar undirrituðu samning um uppgræðslu Þorláksskóga í Ölfusi.