Húsnæðisbætur

Húsnæðisbætur

Lög nr. 75/2016 um húsnæðisbætur voru samþykkt á Alþingi og tóku gildi 1. janúar 2017.  Á sama tíma féllu úr gildi lög um húsaleigubætur og útgreiðslu húsnæðisstuðnings til leigjenda fluttist til Húsnæðis- og mannvirkjastofnunar.

Markmið laga um húsnæðisbætur er að lækka húsnæðiskostnað efnaminni leigjenda með greiðslu húsnæðisbóta vegna leigu á íbúðarhúsnæði og draga úr aðstöðumun á húsnæðismarkaðnum.

Inni á vefnum www.hms.is er að finna allar upplýsingar er varðar húsnæðisstuðning og umsóknarferlið sjálft auk þess sem þar er að finna reiknivél sem hjálpar leigjendum að átta sig á fjárhæð húsnæðisstuðnings.

Sérstakur húsnæðisstuðningur

Sérstakur húsnæðisstuðningur er greiddur frá sveitarfélögum. Hér má nálgast eyðublað fyrir sérstakan húsnæðisstuðning en vakin er athygli á því að umsækjendur þurfa fyrst að vera komnir með samþykki fyrir greiðslu húsnæðisstuðnings frá Húsnæðis- og mannvirkjastofnun.  

Sérstakur húsnæðisstuðningur er fjárstuðningur til greiðslu húsaleigu vegna samþykktra íbúða á almennum markaði til viðbótar við almennan húsnæðisstuðning.  Aðstæður umsækjenda eru metnar út frá ákveðnum tekjuviðmiðum.

Reglur um sérstakan húsnæðisstuðning