Sorphirða og endurvinnsla

Í Sveitarfélaginu Ölfusi eru þrjár flokkunartunnur við hvert heimili. Grá tunna sem er fyrir almennt sorp og í henni er brúnt hólf fyrir lífrænan úrgang, blá tunna fyrir pappír og græn tunna fyrir plast. Málmi, textíl og öðru því sem ekki á heima í þessum tunnum skal skila á gámasvæðið.

Sorphirða á almennu sorpi, lífrænum úrgangi, plasti og blátunnu fer fram þriðju hverja viku í Þorlákshöfn og í dreifbýli Ölfuss. Sjá nánar í sorphirðudagatali hér fyrir neðan. Sveitarfélagið Ölfus er með samning við Kubb ehf.  www.kubbur.is um sorphirðu í sveitarfélaginu

Íbúum er skylt að hafa gott aðgengi að tunnum t.d. moka snjó frá tunnum þannig að auðvelt sé að losa þær.

Nánari upplýsingar gefur umhverfisstjóri  sími 483-3803 eða 899-0011

Sorphirðudagatal fyrir Ölfus 2024

Móttaka sorps fyrir  Þorlákshöfn og dreifbýli Ölfuss er staðsett við Norðurbakka 6-8
Sími: 483 3817
Opnunartími:
Mánudaga - föstudaga  frá kl. 13:00 - 18:00
Laugardaga frá kl. 12:00 - 16:00

Hægt er að skila flöskum og dósum gegn skilagjaldi á þriðjudögum milli kl. 18:00 og 19:00. Dósaskúrinn er staðsettur á Nesbraut gegnt útsýnisskífunni.

Sveitarfélagið Ölfus er ekki lengur með samning við Íslenska gámafélagið í Hrísmýri Selfossi.  Öllum er þó heimilt að fara með sorp þangað gegn gjaldi.

Vegna nýrra laga um úrgangsmál sem tóku gildi þann 1.janúar 2023 er áætlað að hefja gjaldtöku á gámasvæðinu í Þorlákshöfn í júlí 2024. Markmið þessara nýju laga snýst aðallega um að draga úr myndun úrgangs og stuðla að myndun endurvinnslusamfélags hér á landi.  Hugsunin er að þeir borga sem henda.  Nánari upplýsingar má t.d. finna á vef Umhverfisstofnunar  Þar til gjaldtaka verður tekin upp gilda rafrænir miðar á gámasvæðið.  Hvert heimili fær úthlutað 6 frímiðum sem íbúar geta sótt í íbúagáttinni sjá slóð: Íbúagátt Sveitarfélagsins Ölfuss

Til að fjarlægja bíla og annað járn hafið samband við Viðar hjá Viddavélum sími: 892-2407