Fundargerðir

Bæjarstjórn Ölfuss - 286

Haldinn í fjarfundi,
15.12.2020 og hófst hann kl. 16:30

Fundinn sátu: Gestur Þór Kristjánsson forseti bæjarstjórnar,
Steinar Lúðvíksson 1. varaforseti,
Grétar Ingi Erlendsson bæjarfulltrúi,
Jón Páll Kristófersson bæjarfulltrúi,
Þrúður Sigurðardóttir bæjarfulltrúi,
Guðmundur Oddgeirsson bæjarfulltrúi,
Eiríkur Vignir Pálsson 2. varamaður,
Elliði Vignisson bæjarstjóri, Sandra Dís Hafþórsdóttir sviðsstjóri.

Fundargerð ritaði: Sandra Dís Hafþórsdóttir, sviðsstjóri

Dagskrá:

Almenn mál

1. 2010010 - Gjaldskrár Sveitarfélagsins Ölfuss 2021

Fyrir bæjarstjórn lágu gjaldskrár Sveitarfélagsins Ölfus fyrir árið 2021, til síðari umræðu.

Bæjarstjórn samþykkir gjaldskrár vegna ársins 2021.

2. 2007002 - Fjárhags- og framkvæmdaáætlun Sveitarfélagsins Ölfuss 2021-2024.

Bæjarstjórn ræddi fjárhagsáætlun fyrir árið 2021 til 2024, síðari umræða.

Elliði Vignisson bæjarstjóri hafði framsögu um áætlunina.

Lykiltölur fjárhagsáætlunar fyrir árið 2021 eru sem hér segir:

Fjárhagsáætlun bæjarsjóðs Sveitarfélagsins Ölfuss 2021 í þúsundum króna:

Tekjur alls kr. 2.604.480
Gjöld alls fyrir fjármagnsliði kr. 2.411.899
Rekstrarniðurstaða, jákvæð kr. 9.197
Handbært fé frá rekstri kr. 194.846
Afborganir langtímalána kr. 157.518
Handbært fé í árslok kr. 147.922

Fjárhagsáætlun B-hluta bæjarsjóðs Ölfuss 2021:
Rekstrarniðurstaða Hafnarsjóðs, hagnaður kr. 112.948
Rekstrarniðurstaða Vatnsveitu, hagnaður kr. 8.537
Fjallskilasjóður Ölfuss, kr. 0
Íbúðir eldri borgara, tap kr. 1.807
Uppgræðslusjóður, tap kr. 8.000
Félagslegar íbúðir, tap kr. 6.371
Fráveita Ölfuss, hagnaður kr. 19.778

Fjárhagsáætlun samstæðu Ölfuss 2021:
Tekjur alls kr. 3.087.320
Gjöld alls kr. 2.657.378
Rekstrarniðurstaða, jákvæð kr. 134.283
Handbært frá rekstri kr. 422.273
Afborganir langtímalána kr. 195.361
Handbært fé í árslok kr. 186.840

Þá er ráðgert að A-hluti verði rekinn með 87,8 milljóna hagnaði árið 2022 og samstæða með 201,9 milljóna hagnaði. Árið 2023 er ráðgert að A hluti skili 118,8 milljóna hagnaði og samstæða 221,7 miljóna hagnaði. Þá gerir áætlun ráð fyrir að árið 2024 skili A hluti 154 milljóna hagnaði og samstæða 255,6 milljóna hagnaði.

Bæjarstjórn samþykkir fjárhagsáætlun fyrir árin 2021 til 2024.

3. 2004041 - Lántökur 2020

Bæjarstjórn ræddi lántöku vegna framkvæmda við vatnsveitu. Lántakan er hluti af gildandi fjárhagsáætlun ársins.

Bæjarstjórn Sveitarfélagsins Ölfuss samþykkir hér með á bæjarstjórnarfundi sínum þann 15. desember 2020 að taka lán hjá Lánasjóði sveitarfélaga að höfuðstól allt að kr. 73.000.000 með lokagjalddaga árið 2034 í samræmi við fyrirliggjandi lánsumsókn hjá sjóðnum.
Bæjarstjórn samþykkir að til tryggingar láninu (höfuðstól, uppgreiðslugjaldi auk vaxta dráttarvaxta og kostnaðar) standa tekjur sveitarfélagsins sbr. heimild í 2. mgr. 68. gr. sveitarstjórnarlaga nr. 138/2011 nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið til fjármögnunar á vatnsveitum sveitarfélagsins sem felur í sér að vera verkefni sem hefur almenna efnahagslega þýðingu sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.

Jafnframt er Elliða Vignissyni kt.280469-5649 veitt fullt og ótakmarkað umboð til þess f.h. Sveitarfélagsins Ölfuss að undirrita lánssamning við Lánasjóð sveitarfélaga sbr. framangreint sem og til þess að móttaka, undirrita og gefa út og afhenda hvers kyns skjöl, fyrirmæli og tilkynningar sem tengjast lántöku þessari þ.m.t. beiðni um útborgun láns.

4. 2012019 - Ósk um óbindandi álitsgjöf á mögulegum efnatökusvæðum

Fyrir bæjarstjórn lá erindi frá Ölfus Cluster fyrir hönd Hornsteins er varðar frumálit varðandi efnistökusvæði fyrir útflutningsverkefni, en fyrir liggur að fyrirtækið vinnur að hagkvæmismati á hentugleika útflutnings á unnu jarðefni frá Þorlákshöfn. Í erindinu kemur fram að námuvinnslu fylgi að öllu jöfnu nokkur inngrip í umhverfi og þess getið að Hornsteinn hafi áratuga reynslu af slíkri starfsemi. Fyrirtækið er því meðvitað um þá ábyrgð sem fylgir starfseminni og leggur ríka áherslu á að vinna með sveitarfélaginu að kortlagningu kosta og vinna sem best eftir vilja þess. Þá kemur fram að sjálfgefin sé rík virðing fyrir skipulagsvaldi sveitarfélagsins og þeim áherslum sem til að mynda koma fram í auðlindastefnu Ölfuss. Af þeirri ástæðu er óskað eftir samstarfi við sveitarfélagið um kostamat.

Óskað er eftir óbindandi áliti sveitarfélagsins varðandi þrjú möguleg efnistökusvæði þ.e.a.s. Stóra Sandfell, Ingólfsfjall (Hvammur) og Geitafell.

Bæjarstjórn þakkar erindið og lýsir sig jákvæða í garð fyrirhugaðra framkvæmda að gefnum fyrirvara um umhverfisleg áhrif.

Bæjarstjórn leggur áherslu á að við kostamat sé fyrst og fremst horft til áframhaldandi nýtingar á þeim svæðum sem þegar hafa verið nýtt til vinnslu jarðefna þó ekki sé á þessu stigi talið rétt að útiloka neinn af þeim kostum sem nefndir eru.

5. 2002040 - Hálendisþjóðgarður

Bæjarstjórn Sveitarfélagsins Ölfuss ítrekar fyrri afstöðu og lýsir andstöðu við fyrirhugaðan hálendisþjóðgarð. Bæjarstjórn fellst ekki á það skipulag að stjórnsýsla svæðisins verði færð frá lýðræðislega kjörnum fulltrúum sveitafélaga, til félagasamtaka og embættismanna. Umsjón, rekstur og ákvörðunartaka er varða eignir sveitarfélaga á hálendinu munu færast úr höndum sveitarstjórna og íbúa sveitarfélagsins til fulltrúa annarra sveitarfélaga, félagasamtaka og embættismanna.

Bæjarstjórn Sveitarfélagsins Ölfuss gerir athugasemd við að ekki liggi fyrir greining og samanburður á rekstri þjóðgarða annars vegar og þjóðlendna hins vegar. Aldrei í ferlinu hefur af hálfu umhverfisráðherra verið bent á vankanta núverandi kerfis þjóðlendulaganna hvort sem litið er til þjóðhagslegrar hagkvæmni eða náttúruverndar. Því má leiða líkur að því að raunverulegur tilgangur með stofnun hálendisþjóðgarðs og Þjóðgarðastofnunar sé að færa völd yfir stórum hluta landsins á fáar hendur, ráðherra og embættismanna. Bæjarstjórn telur það ekki góða þróun að sífellt fleiri ákvarðanir er varða hagsmuni og samfélagsgerð sveitarfélaga séu háðar samþykki embættismanna og starfsmanna ríkisstofnana.

Þá telur bæjarstjórn að það sé langt frá því að vera skynsamlegt að stofnaðar verði nýjar ríkisstofnanir af þessari stærðargráðu á þeim tímum sem við nú lifum. Ætla má að stofnun þjóðarðs á hálendinu og ný ríkisstofnun, Þjóðgarðastofnun, útheimti gríðarlega fjármuni ef vel á að vera og það verður að teljast gagnrýnivert að ekki liggi fyrir ítarleg fjármálaáætlun er varðar málefnið. Í skýrslu þverpólitísku nefndarinnar kom fram að ítarleg fjármögnunaráætlun sem taki til uppbyggingar og reksturs innviða þyrfti að fylgja frumvarpi um þjóðgarðinn, bæjarstjórn hefur ekki séð slíka áætlun. Þá verður það að teljast umhugsunarvert að á sama tíma og mikill rekstrarvandi blasir við núverandi þjóðgörðum telji ráðuneytið sem fer með málaflokkinn það skynsamlegt setja tæp 40% af Íslandi undir slíkt rekstrarform.
Þá bendir bæjarstjórn á að fjölmörg ný svæði hafa verið friðlýst á sl.árum sem kalla á mikið fjármagn. Mikilvægt er að þeim friðlýsingum fylgi nægt fjármagn ef friðlýsingin á að þjóna tilgangi sínum.

Bæjarstjórn Sveitarfélagsins Ölfuss leggst því alfarið gegn stofnun þjóðgarðs á hálendinu.

6. 1706010 - DSK Norðurhraun

Skipulagsstofnun hefur samþykkt að auglýsa aðalskipulagsbreytingu fyrir Norðurhraun þegar gerðar hafa verið lítilsháttar úrbætur á gögnum.

Afgreiðsla nefndar: Nefndin beinir því til bæjarstjórnar að skipulagsfulltrúa verði falið að senda Skipulagsstofnun tillöguna til auglýsingar í samræmi við 32.grein skipulagslaga nr. 123/2010.

Niðurstaða nefndarinnar samþykkt.

7. 2012022 - DSK Hafnarskipulag - breyting deiliskipulagi

Umhverfis og framkvæmdasvið leggur fram breytingu á nýsamþykktu deiliskipulagi hafnarinnar vegna fyrirhugaðs snúnings og lengingar Suðurvararbryggju. Að auki er endi Austurgarðs styttur um 40 metra og færður lítillega, til að stærri skip geti snúið innan hafnarinnar. Skv. spálíkönum mun þessi breyting bæta öldulag innan hafnarinnar.

Afgreiðsla nefndar: Nefndin vísar málinu til bæjarstjórnar og leggur til að skipulagsfulltrúa verði falið að auglýsa breytingartillöguna í samræmi við 1.málsgrein 41.greinar skipulagslaga nr. 123/2010 msbr.

Niðurstaða nefndarinnar samþykkt.

8. 2002002 - DSK 5000 tonna fiskeldi - Landeldi ehf. við Laxabraut 21-25

Skipulagsstofnun gerði athugasemd við yfirferð málsins við lokaafgreiðslu. Úr því hefur verið bætt og uppdrætti sem vísar í aðalskipulag skipt út, fjallað meira um vöktun vatnstöku í greinargerð í köflum 3.6 og 4.2.1 og einnig verða réttar dagsetningar færðar inn á uppdrátt.

Afgreiðsla nefndar: Nefndin vísar málinu til afgreiðslu bæjarstjórnar og leggur til að hún feli skipulagsfulltrúa að auglýsa tillöguna í B-deild stjórnartíðinda í samræmi við 1. málsgr. 42 gr.skipulagslaga nr. 123/2010 msbr.

Niðurstaða nefndarinnar samþykkt.

9. 2012011 - ASK Breytt landnotkun - Stóra-Saurbæjarsvæðið og Gata

Sótt hefur verið um að breyta landnotkunarflokki á tveimur stöðum í sveitarfélaginu, vegna fjarskiptamasturs við Götu í Selvogi og vegna íbúðasvæðis kringum Stóra-Saurbæ 3. Neyðarlínan hefur sótt um að setja upp 30 metra hátt fjarskiptamastur í landi Götu. Landeigendur á Stóra Saurbæjarsvæðinu óska eftir að breyta landnotkun á svæðinu. Þegar hafa verið samþykktar skipulagsáætlanir sem heimila 15 hús á svæðinu en Skipulagsstofnun gerir kröfu um að skilgreint verði íbúðarsvæði þar sem fleiri en 5 hús standa saman í samræmi við gildandi aðalskipulag okkar. Í fundargögnum er skipulagslýsing vegna breytinga á aðalskipulagi Ölfuss 2010-2022.

Afgreiðsla nefndar: Nefndin vísar því til bæjarstjórnar að skipulagsfulltrúa verði falið að auglýsa lýsinguna í samræmi við 1.málsgr. 30.gr. skipulagslaga nr. 123/2010 msbr.

Niðurstaða nefndarinnar samþykkt.

Fundargerðir til staðfestingar

10. 2012001F - Bæjarráð Ölfuss - 340

Fundargerð 340.fundar bæjarráðs Ölfuss frá 03.12.2020.

1. 2011002 - Lista- og menningarsjóður Ölfuss úthlutun 2020. Niðurstaða nefndarinnar staðfest.
2. 2012005 - Skipan fulltrúa í faghóp um stafræn málefni og kostnaðarþátttaka í verkefninu. Niðurstaða nefndarinnar staðfest.
3. 2012004 - Fasteignamat iðnaðarhúsnæðis í Sveitarfélaginu Ölfusi. Niðurstaða nefndarinnar staðfest.
4. 2012002 - Áskorun varðandi aðstöðumál í frjálsum íþróttum. Til kynningar.
5. 1704002 - Lagafrumvörp Beiðni Alþingis um umsögn. Til kynningar.

Fundargerðin lögð fyrir í heild sinni og hún staðfest.

11. 2011002F - Framkvæmda- og hafnarnefnd - 12

Fundargerð 12.fundar framkvæmda- og hafnarnefndar frá 12.11.2020.

1. 1910068 - Fjárhags og fjárfestingaráætlun Hafnarsjóðs Þorlákshafnar 2020-2024. Niðurstaða nefndarinnar staðfest.
2. 2007002 - Fjárhags- og framkvæmdaáætlun Sveitarfélagsins Ölfuss 2021-2024. Niðurstaða nefndarinnar staðfest.
3. 2010018 - Endurnýjun girðingar í Selvogi. Niðurstaða nefndarinnar staðfest.
4. 2006005 - Aðgengi að lóð Hafnarskeið 10-12. Niðurstaða nefndarinnar staðfest.
5. 1810031 - Þorlákshöfn - viðhaldsdýpkanir. Til kynningar.
6. 2011004 - Viljayfirlýsing. Niðurstaða nefndarinnar staðfest.
7. 1901020 - Dráttarbátur Þorlákshöfn. Til kynningar.
8. 1911008 - Verklegar framkvæmdir. Til kynningar.

Fundargerðin lögð fyrir í heild sinni og hún staðfest.

12. 2012003F - Framkvæmda- og hafnarnefnd - 13

Fundargerð 13.fundar framkvæmda- og hafnarnefndar frá 10.12.2020

1. 1905015 - Fundargerðir Siglingaráðs. Til kynningar.
2. 2012013 - Stækkun hafnarinnar í Þorlákshöfn. Niðurstaða nefndarinnar staðfest.
3. 2010010 - Gjaldskrár Sveitarfélagsins Ölfuss 2021. Niðurstaða nefndarinnar staðfest.
4. 2011014 - Nýtt geymslusvæði fyrir gáma. Niðurstaða nefndarinnar staðfest.
5. 2012014 - Snjómokstur og hálkueyðing. Til kynningar.
6. 2007002 - Fjárhags- og framkvæmdaáætlun Sveitarfélagsins Ölfuss 2021-2024. Niðurstaða nefndarinnar staðfest.
7. 2009054 - Viðhaldsáætlun fasteigna sveitarfélagsins 2021. Til kynningar.
8. 2012017 - Útboð á jarðvegstipp við Bolöldur. Niðurstaða nefndarinnar staðfest.

Fundargerðin tekin fyrir í heild sinni og hún staðfest.

13. 2012004F - Afgreiðslunefnd byggingarfulltrúa - 19

Fundargerð 19.fundar afgreiðslunefndar byggingarfulltrúa frá 07.12.2020.

1. 2012008 - Umsókn um lóð - Þurárhraun 8. Niðurstaða nefndarinnar staðfest.

Fundargerðin borin upp og hún staðfest.

14. 2011005F - Skipulags- og umhverfisnefnd - 14

Fundargerð 14.fundar skipulags- og umhverfisnefndar frá 10.12.2020.

1. 2002002 - DSK fiskeldi - Landeldi ehf. við Laxabraut 21-25. Tekið fyrir sérstaklega.
1. 1610015 - ASK og DSK Deili- og aðalskipulagsbreyting, Riftún. Niðurstaða nefndarinnar staðfest.
2. 2012022 - DSK Hafnarskipulag - breyting deiliskipulagi. Tekið fyrir sérstaklega.
3. 1706010 - DSK Norðurhraun. Tekið fyrir sérstaklega.
4. 2012011 - ASK Breytt landnotkun - Stóra-Saurbær 3 - Hjarðarból - Gata. Tekið fyrir sérstaklega.
5. 2012001 - Lóð fyrir fjarskiptamastur - Gata í Selvogi. Niðurstaða nefndarinnar staðfest.
6. 2004005 - DSK Borgargerði - stofnun tveggja lóða. Niðurstaða nefndarinnar staðfest.
7. 2011038 - Hveradalir - uppskipting á landi.Niðurstaða nefndarinnar staðfest.
8. 2011030 - Göngu, hjóla og reiðvegir í og við Árbæjarhverfi.Niðurstaða nefndarinnar staðfest.
9. 2012015 - Sögusteinn - umsókn um skiptingu lands. Niðurstaða nefndarinnar staðfest.
10. 2006013 - Umsókn um framkvæmdaleyfi vegna efnistöku í Sandfelli. Niðurstaða nefndarinnar staðfest.
11. 2011028 - Hveragerði-Umsögn um aðal- og deiliskipulagsbreytingu. Niðurstaða nefndarinnar staðfest.
12. 2011033 - Umsögn um breytingu á aðalskipulagi v Gufuaflsvirkjun á Foldahálsi Grímsnes- og Grafningshreppur. Niðurstaða nefndarinnar staðfest.
13. 1903032 - Landsskipulagsstefna, umsögn um lýsingu. Niðurstaða nefndarinnar staðfest.
14. 2011031 - Bolaölduvirkjun. Til kynningar.
15. 2007002 - Fjárhags- og framkvæmdaáætlun Sveitarfélagsins Ölfuss 2021-2024. Til kynningar.
16. 2012004F - Afgreiðslunefnd byggingarfulltrúa - 19. Niðurstaða nefndarinnar staðfest.

Fundargerðin tekin fyrir í heild sinni og hún staðfest.

15. 2012002F - Fjölskyldu- og fræðslunefnd - 42

Fundargerð 42.fundar fjölskyldu- og fræðslunefndar frá 10.12.2020.

1. 2006063 - Fræðslumál: Hjallastefnan-Bergheimar, kynning á Hjallastefnunni. Til kynningar.
2. 2007002 - Fjárhags- og framkvæmdaáætlun Sveitarfélagsins Ölfuss 2021-2024. Til kynningar.

Fundargerðin lögð fyrir í heild sinni og hún staðfest.

Fundargerðir til kynningar

16. 2011020 - Aðalfundur Bergrisans 2020

Fundargerð aðalfundar Bergrisans frá 25.11.2020.

Lögð fram til kynningar.

17. 1607014 - Skóla og velferðarmál Fundargerðir skólaþjónustu og velferðarnefndar Árnesþings.

Fundargerð Skólaþjónustu og velferðarnefndar Árnesþings frá 03.12.2020.

Lögð fram til kynningar.

18. 1701026 - Brunamál: Fundargerðir stjórnar Brunavarna Árnessýslu

Fundargerð 13.fundar stjórnar Brunavarna Árnessýslu frá 26.11.2020.

Lögð fram til kynningar.

19. 1602012 - Samstarf sveitarfélaga: Fundargerðir stjórnar SASS.

Fundargerð aðalfundar SASS sem haldinn var 29.og 30.október 2020.