|
|
| 1. 2311034 - Vindmyllur- minnisblað Ölfus Cluster | |
Bæjarstjórn þakkar kynninguna.
Kolbrún Hrafnkelsdóttir vék af fundi.
| | |
|
| 2. 2308041 - Fjárhags- og framkvæmdaáætlun Sveitarfélagsins Ölfuss 2024-2027. | |
Elliði Vignisson bæjarstjóri fylgdi fjárhags- og framkvæmdaáætlun sveitarfélagsins fyrir árin 2024-2027 úr hlaði.
Grétar Ingi Erlendsson tók til máls og lagði fram eftirfarandi bókun fyrir hönd bæjarfulltrúa D-lista:
Við þökkum starfsmönnum fyrir vel unnin störf. Hér leggjum við fjárhags- og framkvæmdaráætlun fram til fyrri umræðu sem er ekki einungis metnaðarfull og framsýn heldur sýnir glögglega hversu sterkt sveitarfélagið stendur. Ég minni þó á að áætlunin er enn í vinnslu og ljóst að hún muni taka breytingum á milli umræðna. Þar viljum við m.a. leita leiða til að draga úr hækkunum á gjaldaliðum í samræmi við óskir verkalýðssamtaka. Það er mikilvægt að við sem stjórnum sveitarfélögum landsins tökum fullan þátt í að draga úr verðbólgu og auka stöðugleika. Þá er ljóst að eftir sem áður höfum við ríkan vilja til að lækka skatta á íbúa sveitarfélagsins. Þar viljum við sem fyrr sérstaklega horfa til fasteignaskatta. Fasteignamat hefur hækkað umtalsvert undanfarin ár og ljóst að ef álagningarprósentan hefði ekki verið lækkuð samhliða hefði það þyngt rekstur heimila í Ölfusi enn meira.
Bæjarfulltrúar D-lista.
Gunnsteinn Ómarsson tók til máls.
Lagt er til að vísa fjárhags- og framkvæmdaáætlun Sveitarfélagsins Ölfuss 2024-2027 til síðari umræðu.
Samþykkt samhljóða. | | |
|
| 3. 2311046 - Lántökur 2023 Lánasjóður sveitarfélaga | |
Bæjarstjórn Sveitarfélagsins Ölfuss samþykkir hér með á bæjarstjórnarfundi 30.nóvember 2023 að veita einfalda ábyrgð og veðsetja til tryggingar ábyrgðinni tekjur sínar, sbr. heimild í 2. mgr. 68. gr. og 1. mgr. 69. gr. sveitarstjórnarlaga nr. 138/2011, til tryggingar láns fyrir Þorlákshafnarhöfn hjá Lánasjóði sveitarfélaga að höfuðstól allt að kr. 300.000.000,-, með lokagjalddaga þann 20. febrúar 2039, í samræmi við skilmála að lánasamningi sem liggja fyrir á fundinum og sem bæjarstjórnin hefur kynnt sér. Ábyrgðin tekur til greiðslu höfuðstóls láns þessa, ásamt vöxtum og verðbótum auk hvers kyns innheimtukostnaðar. Nær samþykki sveitarstjórnar jafnframt til undirritunar lánasamnings og að sveitarfélagið beri þær skyldur sem þar greinir.
Er lánið tekið til fjármögnunar á hafnarframkvæmdum sveitarfélagsins sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Sveitarstjórnin skuldbindur hér með sveitarfélagið sem eiganda Þorlákshafnarhafnar til að selja ekki eignarhlut sinn í Þorlákshafnarhöfn til einkaaðila, í heild eða að hluta, fram til þess tíma að lán þetta er að fullu greitt.
Fari svo að Sveitarfélagið Ölfus selji eignarhlut í Þorlákshafnarhöfn til annarra opinberra aðila, skuldbindur Sveitarfélagið Ölfus sig til þess að tryggja að samhliða yfirtaki nýr eigandi ábyrgð á láninu í hlutfalli við eignarhlut sinn í félaginu.
Jafnframt er Elliða Vignissyni, kt. 280469-5649, bæjarstjóra, veitt fullt og ótakmarkað umboð til þess f.h. Sveitarfélagsins Ölfuss að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.
Elliði Vignisson tók til máls.
Samþykkt samhljóða.
| | |
|
| 4. 2311046 - Lántökur 2023 Lánasjóður sveitarfélaga | |
Bæjarstjórn Sveitarfélagsins Ölfuss samþykkir hér með á bæjarstjórnarfundi 30.11.2023 að taka lán hjá Lánasjóði sveitarfélaga að höfuðstól allt að kr. 160.000.000,- , með lokagjalddaga þann 20. febrúar 2039, í samræmi við skilmála að lánasamningi sem liggja fyrir á fundinum og sem bæjarstjórnin hefur kynnt sér.
Bæjarstjórnin samþykkir að til tryggingar láninu (höfuðstól, uppgreiðslugjaldi auk vaxta,dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið til fjármögnunar á framkvæmdum við dagdvöl aldraða hjá sveitarfélaginu sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Elliða Vignissyni, kt.280469-5649, bæjarstjóra Sveitarfélagsins Ölfuss, veitt fullt og ótakmarkað umboð til þess f.h. Sveitarfélagsins Ölfuss að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.
Elliði Vignisson tók til máls.
Samþykkt samhljóða.
| | |
|
| 5. 2311002 - Gjaldskrár Sveitarfélagsins Ölfuss 2024 | |
Elliði Vignisson, Ása Berglind Hjálmarsdóttir og Grétar Ingi Erlendsson tóku til máls.
Lagt er til að gjaldskrám vegna ársins 2024 verði vísað til síðari umræðu.
Samþykkt samhljóða.
| | |
|
| 6. 2311050 - Gjaldskrá vatnsveitu 2024 | |
Grétar Ingi Erlendsson, Vilhjálmur Baldur Guðmundsson og Elliði Vignisson tóku til máls.
Lagt er til að gjaldskrá Vatnsveitu vegna ársins 2024 verði vísað til síðari umræðu.
Samþykkt samhljóða.
| | |
|
| 7. 2105036 - Fundartími bæjarstjórnar | |
Samþykkt samhljóða.
| | |
|
| 8. 2311033 - Nýjar samþykktir Sorpstöðvar Suðurlands | |
Lagt er til að vísa samþykktum SOS til síðari umræðu.
Samþykkt samhljóða.
| | |
|
| 9. 2311047 - Ályktanir ársþings SASS 2023 | |
| Lagt fram til kynningar. | | |
|
| 10. 2311048 - Samgönguáætlun SASS 2023-2033 | |
| Lagt fram til kynningar. | | |
|
| 11. 2306003 - ASK Nýir jarðstrengir að fiskeldi vestan Þorlákshafnar - rafstrengir | |
| Niðurstaða nefndarinnar staðfest. | | |
|
| 12. 2309061 - ASK og DSK Mölunarverksmiðja og höfn í Keflavík við Þorlákshöfn | |
Ása Berglind Hjálmarsdóttir tók til máls og lagði fram eftirfarandi bókun:
Í skipulagslýsingu á m.a. að lýsa viðfangsefni og markmiðum og rökstyðja tillögu í samræmi við svæðis og/eða aðalskipulag. Í skipulagslýsingunni sem hér er lögð fram er verkefnið sett í samhengi við eftirfarandi markmið í svæðisskipulagi Suðurlands og Aðalskipulagi Ölfuss: ,,Stuðla að skynsamlegri og hagkvæmri nýtingu lands, tryggja vernd landslags, náttúru og menningarverðmæta og koma í veg fyrir umhverfisspjöll og ofnýtingu, með sjálfbæra þróun að leiðarljósi"
Það er fátt ef nokkuð í þessu verkefni sem færa má undir þetta markmið. Verkefnið snýst m.a. um að moka niður heilu fjalli eins og það leggur sig, stunda námugröft á hafsbotni, leggja undir sig land fyrir 1.000.000 m2 byggingarmagn, sem er eins og 140 fótboltavellir í fullri stærð og auka umferð stórra skipa og vöruflutningabíla með tilheyrandi mengun.
Í umsögn Náttúrufræðistofnunar í umhverfismatsáætlun um mölunarverksmiðju kemur fram að þessi valkostur við Keflavík muni fela í sér töluvert rask á óraskaðri strandlínu og þar með áhrif á t.d. lífríki og jarðminjar.
Það hefur einnig verið bent á það úr mörgum áttum að meintur loftslagsávinningur verkefnisins sé mjög óljós og að sýna þurfi betur fram á hann, m.a. með því að meta að fullu heildaráhrif framkvæmdarinnar og tengdrar starfsemi, svo sem flutninga frá námum, flutninga með skipum til og frá Evrópu, því aðeins þannig sé hægt að meta raunveruleg áhrif framkvæmdarinnar og verkefnisins í heild á loftslagið.
Þá hefur Alþjóðahafsbotnsstofnunin, sem Ísland er aðili að ásamt 163 ríkjum, lagt til að skoða þurfi afleiðingar námuvinnslu á hafsbotni betur áður en að leyfi verði gefin út.
Í skipulagslýsingu á einnig að gera grein fyrir því hvernig staðið verði að umhverfismati við mótun skipulagstillögunnar. Í skipulagslýsingu sem hér er lögð fyrir okkur segir að fjallað verði um eftirfarandi umhverfisþætti í umhverfisskýrslu:
* Ásýnd
* Jarðmyndarnir og sjávarbotn
* Lífríki í sjó og fjöru
* Fuglalíf
* Samfélag
* Fornleifar
* Vatnafar
* Loftslag
Ekkert er minnst á að fjalla eigi um mengun með tilliti til heilbrigði manna, gæði andrúmslofts, lýðheilsu og slysatíðni sem eru tiltekin sem dæmi um umhverfisvísa í leiðbeiningablaði Skipulagsstofnunar um umhverfisskýrslur. Þar segir ennfremur að áhersla skuli lögð á umhverfisþætti sem áætlun hefur veruleg áhrif á innan sem utan skipulagssvæðisins. Ekki er hægt að sleppa þessum umhverfisþætti og nauðsynlegt að við kjörnir fulltrúar stöndum vörð um velferð, lýðheilsu og öryggi íbúa í sveitarfélaginu og því sjálfsagt að fara fram á að þessir þættir verði teknir með inn til umfjöllunar í umhverfismati og -skýrslu.
Ása Berglind Hjálmarsdóttir H-lista og Gunnsteinn Ómarsson B-lista.
Grétar Ingi Erlendsson, Elliði Vignisson og Gunnsteinn Ómarsson tóku til máls.
Tillaga nefndarinnar lögð fram til atkvæðagreiðslu og var hún samþykkt með 5 atkvæðum bæjarfulltrúanna Gests Þórs Kristjánssonar D-lista, Grétars Inga Erlendssonar D-lista, Erlu Sifjar Markúsdóttur D-lista, Sigurbjargar Jennýar Jónsdóttur D-lista og Vilhjálms Baldurs Guðmundssonar B-lista. Ása Berglind Hjálmarsdóttir H-lista og Gunnsteinn Ómarsson B-lista greiddu atkvæði á móti.
Ása Berglind Hjálmarsdóttir gerði grein fyrir atkvæðagreiðslunni:
Eftir reynslu af samstarfi við meirihlutann þá höfum við tekið þá stefnu að greiða ekki atkvæði með máli í trausti þess að eðlilegt og lýðræðislegt skipulagferli taki við þar sem tekið verði tillit til umsagna sem berast. Í máli um landfyllingu á svæði sem hefur verið nýtt í áraraðir til brimbrettaiðkunar var ekkert mark tekið á athugasemdum sem bárust eða miðlunartillögum hagsmunaaðila. Í bókun meirihlutans á bæjarstjórnarfundi, 2. nóv. sl. var það tekið fyrir sem rök með máli um landfyllingu að fulltrúar í framkvæmda- og hafnarnefnd, þar sem við sátum, hefðu samþykkt að vísa málinu í skipulagsferli án mótkvæða, en það var gert í trausti þess að lýðræðisleg vinnubrögð væru viðhafin og tekið yrði mark á rökum hagsmunaaðila og leyst úr málinu í samstarfi við þá aðila. Vinnubrögðin sem voru viðhöfð í því máli verða til þess að við getum ekki með góðri samvisku greitt atkvæði með málum sem við höfum efasemdir um í trausti þess að þau fái eðlilegan farveg innan stjórnsýslunnar. Því greiðum við atkvæði á móti, þrátt fyrir að sveitarfélagið stefni að íbúakosningu um málið, þar sem við höfum miklar efasemdir um að framkvæmdin verði samfélaginu til framdráttar.
Ása Berglind Hjálmarsdóttir H-lista og Gunnsteinn Ómarsson B-lista
| | |
|
| 13. 2303013 - DSK Breyting á deiliskipulagi Gljúfurárholt land 8 L199502 | |
| Niðurstaða nefndarinnar staðfest. | | |
|
| 14. 2206060 - DSK Mói svæði II | |
| Niðurstaða nefndarinnar staðfest. | | |
|
| 15. 2302017 - DSK Meitlar deiliskipulag vegna rannsóknarborhola í Meitlum á Hellisheiði | |
| Niðurstaða nefndarinnar staðfest. | | |
|
| 16. 2309035 - ASK Meitlar og Hverahlíð II - Aðalskipulagsbreyting vegna rannsóknaboranna | |
| Niðurstaða nefndarinnar staðfest. | | |
|
| 17. 2311031 - ASK Mýrarsel íbúðarsvæði stækkað um fimm frístundalóðir | |
| Niðurstaða nefndarinnar staðfest. | | |
|
|
|
| 18. 2311004F - Framkvæmda- og hafnarnefnd - 45 | |
1. 2309059 - Ósk um breyttan opnunartíma þjónustumiðstöðvar. Niðurstaða nefndarinnar staðfest.
2. 2311002 - Gjaldskrár 2024. Niðurstaða nefndarinnar staðfest.
3. 2311014 - Fjárhagsáætlun hafnarinnar 2024-2027. Niðurstaða nefndarinnar staðfest.
4. 2311015 - Fjárflæði hafnarinnar 2024. Niðurstaða nefndarinnar staðfest.
5. 2308041 - Fjárhags- og framkvæmdaáætlun Sveitarfélagsins Ölfuss 2024-2027. Niðurstaða nefndarinnar staðfest.
6. 2206077 - Gatnagerð - Vesturbyggð. Niðurstaða nefndarinnar staðfest.
7. 2311016 - Endurnýjun gólfs Egilsbraut 9, opið rými. Niðurstaða nefndarinnar staðfest.
8. 2109002 - Stækkun hafnarinnar Áfangi 1. Suðurvarargarður og Suðurvararbryggja. Til kynningar.
9. 2301017 - Framkvæmdaráætlun 2022-23. Til kynningar.
Fundargerðin tekin fyrir í heild sinni og hún staðfest.
| | |
|
| 19. 2310012F - Bæjarráð Ölfuss - 407 | |
1. 2203007 - Erindi um þrengingu og hraðskilti í Setbergi. Niðurstaða nefndarinnar staðfest.
2. 2211024 - Lóðaleigusamningur Laxabraut 35-41. Niðurstaða nefndarinnar staðfest.
3. 2310071 - Styrkbeiðni frá Sigurhæðum vegna ársins 2024. Niðurstaða nefndarinnar staðfest.
4. 2310076 - Erindi frá byggðaþróunarfulltrúa SASS. Niðurstaða nefndarinnar staðfest.
5. 2310070 - Tilkynning um fyrirhugaða niðurfellingu Ásnesvegar í Ölfusi (3934-01). Til kynningar.
6. 2310069 - Starfsemi EBÍ. Til kynningar.
7. 1704002 - Lagafrumvörp Beiðni Alþingis um umsögn. Til kynningar.
8. 2311005 - Beiðni um viðauka - loftræsting grunnskóla. Niðurstaða nefndarinnar staðfest.
Fundargerðin tekin fyrir í heild sinni og hún staðfest.
| | |
|
| 20. 2311002F - Bæjarráð Ölfuss - 408 | |
1. 2308041 - Fjárhags- og framkvæmdaáætlun Sveitarfélagsins Ölfuss 2024-2027. Niðurstaða nefndarinnar staðfest.
2. 2311011 - Beiðni um samstarf - Markaðsstofa Suðurlands. Niðurstaða nefndarinnar staðfest.
3. 2207036 - Viljayfirlýsing vegna lóðar. Niðurstaða nefndarinnar staðfest.
4. 2309015 - Jafnréttisstefna og jafnréttisáætlun Sveitarfélagsins Ölfuss 2023-2026. Til kynningar.
5. 2311013 - Reglugerð um íbúakosningar sveitarfélaga og leiðbeiningar um framkvæmd. Til kynningar.
6. 2311022 - Samráðsgátt - Grænbók í málefnum innflytjenda og flóttafólks. Til kynningar.
7. 2311023 - Ábending til sveitarfélaga um mikilvægi kynja- og jafnréttissjónarmiða. Til kynningar.
8. 2311026 - Evrópska nýtnivikan. Til kynningar.
9. 1704002 - Lagafrumvörp Beiðni Alþingis um umsögn. Til kynningar.
10. 2311028 - Beiðni um viðauka - kaup á loftgæðamæli. Niðurstaða nefndarinnar staðfest.
Fundargerðin tekin fyrir í heild sinni og hún staðfest.
| | |
|
| 21. 2311005F - Fjölskyldu- og fræðslunefnd - 15 | |
1. 2311019 - Innleiðing Barnasáttmálans í Ölfusi - staða mála. Til kynningar.
2. 2311017 - Skýrsla skólastjóra. Til kynningar.
3. 2311012 - Skýrsla leikskólastjóra. Til kynningar.
4. 2311018 - Menning og viðburðir í jólamánuðinum. Til kynningar.
5. 2311025 - Undanþága frá reglugerð vegna sérstakra aðstæðna í Grindavík. Niðurstaða nefndarinnar staðfest.
Fundargerðin tekin fyrir í heild sinni og hún staðfest.
| | |
|
| 22. 2311001F - Skipulags- og umhverfisnefnd - 62 | |
1. 2311031 - ASK Mýrarsel íbúðarsvæði stækkað um fimm frístundalóðir. Tekið fyrir sérstaklega.
2. 2309035 - ASK Meitlar og Hverahlíð II - Aðalskipulagsbreyting vegna rannsóknaboranna. Tekið fyrir sérstaklega.
3. 2302017 - DSK Meitlar deiliskipulag vegna rannsóknarborhola í Meitlum á Hellisheiði. Tekið fyrir sérstaklega.
4. 2206060 - DSK Mói svæði II. Tekið fyrir sérstaklega.
5. 2303013 - DSK Breyting á deiliskipulagi Gljúfurárholt land 8 L199502. Tekið fyrir sérstaklega.
6. 2302023 - ASK og DSK Litla Sandfell breyting á aðalskipulagi og deiliskipulag. Niðurstaða nefndarinnar staðfest.
7. 2309061 - ASK og DSK Mölunarverksmiðja og höfn í Keflavík við Þorlákshöfn. Tekið fyrir sérstaklega.
8. 2306003 - ASK Nýir jarðstrengir að fiskeldi vestan Þorlákshafnar - rafstrengir. Tekið fyrir sérstaklega.
9. 2311030 - Hveradalir umsókn um stöðuleyfi fyrir gáma. Niðurstaða nefndarinnar staðfest.
10. 2309007 - Umsókn um byggingarheimild eða -leyfi - Reykir - Flokkur 1. Niðurstaða nefndarinnar staðfest.
11. 2310065 - Umsókn um byggingarheimild eða -leyfi - Efstaland - Flokkur 1. Niðurstaða nefndarinnar staðfest.
12. 2311001 - Umsókn um byggingarheimild eða -leyfi - Kléberg 11 - Flokkur 2. Niðurstaða nefndarinnar staðfest.
13. 2310066 - Ósk eftir staðfestingu á nafnbreytingu á spildu. Niðurstaða nefndarinnar staðfest.
14. 2311020 - Umsögn um matslýsingu Nesjavellir, Deiliskipulagsbreyting. Niðurstaða nefndarinnar staðfest.
Fundargerðin tekin fyrir í heild sinni og hún staðfest.
| | |
|
| 23. 2311008F - Bæjarráð Ölfuss - 409 | |
1. 2211024 - Lóðaleigusamningur Laxabraut 35-41. Niðurstaða nefndarinnar staðfest.
2. 2311032 - Beiðni um viðauka - hreinsun á loftræstingu í sundlaug. Niðurstaða nefndarinnar staðfest.
3. 2311055 - Beiðni um samstarf um nýtingu jarðhita í Ölfusdal.
Ása Berglind Hjálmarsdóttir tók til máls og lagði fram eftirfarandi bókun undir lið nr. 3 í fundargerðinni:
Ég vil gera athugasemd við það hvernig mál nr. 3 um beiðni um samstarf um nýtingu jarðhita í Ölfusdal var afgreitt á síðasta bæjarráðsfundi. Póstur kom frá bæjarstjóra tæpum sólarhring fyrir þennan aukafund bæjarráðs þar sem óskað var eftir að málið yrði tekið fyrir með afbrigðum. Undirrituð rak augun í póstinn aðeins klukkustund fyrir fund og aðrir höfðu einnig ekki haft tækifæri til að kynna sér það nægilega. Ég hef ekki atkvæðisrétt á bæjarráðsfundi en sé mikið eftir að hafa ekki fylgt sannfæringu minni og bókað um þetta mál, þar sem um gríðarstórt hagsmunamál er að ræða. Hagsmunamál ekki aðeins fyrir Sveitarfélagið Ölfus heldur einnig nágranna okkar Hvergerðinga, ferðaþjónustuna og síðast en ekki síst náttúruna sem hefur ekki rödd, aðra en þá sem við ljáum henni.
Ég geri athugasemd við að málið hafi ekki verið lagt fyrir bæjarstjórnarfund og bæjarfulltrúum gefið svigrúm til að meta það og hvernig ákjósanlegast væri að vinna það áfram. Hér þarf að sjálfsögðu að eiga í góðu samtali við alla hagsmunaaðila og alveg sérstaklega Hvergerðinga sem verða fyrir miklum áhrifum af þeirri framkvæmd verið er að undirbúa.
Ása Berglind Hjálmarsdóttir H-lista.
Elliði Vignisson og Grétar Ingi Erlendsson tóku til máls.
Vilhjálmur Baldur Guðmundsson tók til máls og lagði fram eftirfarandi bókun:
Með því að samþykkja þetta samstarf við Orkuveituna hef ég ekki samþykkt virkjun í Ölfusdal, aðeins rannsóknir. Það er ekkert hægt að gera nema í góðu samtali við nágranna okkar vini í Hveragerði.
Vilhjálmur Baldur Guðmundsson B-lista
Grétar Ingi Erlendsson tók til máls og lagði fram eftirfarandi bókun:
Undirrituð benda á að málatilbúnaður bæjarfulltrúans er ekki í neinu samræmi við hvernig mál þetta hefur verið unnið. Málið allt hefur verið ítrekað rætt á vettvangi bæjarstjórnar og sannarlega fengið lögmæta afgreiðslu eftir ítarlega umræðu. Mál þetta á sér rúmlega 9 mánaða aðdraganda. Til að mynda kom það til umræðu á fundi bæjarráðs 2. mars. sl. þegar bæjarráð afgreiddi umræðu um jarðvarmanýtingu í Ölfusdal með þessum orðum:
Bæjarráð þakkar upplýsingarnar og telur efni bréfsins í samræmi við vilja þess til að leita allra leiða til að nýta betur orku innan sveitarfélagamarka til þeirrar miklu atvinnuuppbyggingar sem nú eru hafnar sem og þá miklu fjölgun íbúa sem er að eiga sér stað. Sú fundargerð fór síðan til staðfestingar hjá bæjarstjórn 23.02.2023 og þar hreyfði ekki nokkur maður mótmælum.
Að halda því fram að nágrannar okkar í Hveragerði hafi ekki verið nægilega upplýst er hreinlega rangt. Nú þegar eru bæjarfulltrúar upplýstir um að 24. febrúar kl. 13:04 sendi Sveitarfélagið Ölfus erindi á Orkustofnun með afriti á Veitur og Hveragerðisbæ. Veitur/OR skilaði áliti til Ölfuss. Ekkert viðbragð barst frá Hveragerði ef frá er talið afrit af fundargerðum.
Fullyrðingar um að Hvergerðingar hafi ekki verið upplýstir verða furðulegri þegar horft er til þess að 2. mars fundaði bæjarráð í Hveragerði og fjallaði um erindi Ölfuss til þeirra (sjá mál 5: Bæjarráð - 804. fundur - 02.03.2023 | Hveragerði (hveragerdi.is) ). Sú fundargerð var svo staðfest 9. mars af bæjarstjórn Hveragerðisbæjar (sjá mál 2: Bæjarstjórn - 559. fundur - 09.03.2023 | Hveragerði (hveragerdi.is).
Sl. mánudag var svo sent erindi á Hveragerðisbæ með upplýsingum um að til stæði að boða til blaðamannafundar, það er sama dag og stjórn OR, bæjarráð og stjórn Títan fjölluðu um málið. Því var svo fylgt eftir með símtali á bæjarstjóra fyrir blaðamannafundinn.
Afar sérstakt er í ljósi þess að fullyrða að málið hafi ekki verið nægilega kynnt.
Bæjarfulltrúar D-lista.
Liðir 1 og 2 í fundargerðinni teknir fyrir og niðurstaða nefndarinnar staðfest.
Liður 3 tekinn fyrir og staðfestur með 6 atkvæðum D- og B-lista, bæjarfulltrúi H-lista sat hjá.
| | |
|
| 24. 2311009F - Stjórn vatnsveitu - 16 | |
1. 2311050 - Gjaldskrá vatnsveitu 2024. Niðurstaða nefndarinnar staðfest.
2. 2309004 - Beiðni um tengingu við vatnsveitu Ölfuss- Akurholt. Niðurstaða nefndarinnar staðfest.
3. 2309006 - Beiðni um tengingu við vatnsveitu Ölfuss- Kambastaðir. Niðurstaða nefndarinnar staðfest.
4. 2303018 - Vatnsveita Hjallasóknar. Til kynningar.
5. 2304025 - Lóðarleigusamningur. Niðurstaða nefndarinnar staðfest.
Fundargerðin tekin fyrir í heild sinni og hún staðfest. | | |
|
| 25. 2311011F - Afgreiðslunefnd byggingarfulltrúa - 56 | |
1. 2311008 - Umsókn um byggingarheimild eða -leyfi - Laxabraut 21 - Flokkur 2
2. 2311009 - Umsókn um byggingarheimild eða -leyfi - Selvogsbraut 47 - Flokkur 2
3. 2311010 - Umsókn um lóð - Bárugata 7
4. 2311036 - Umsókn um byggingarheimild eða -leyfi - Elsugata 13-15-17 - Flokkur 2
5. 2311038 - Laxabraut 21 - tilkynning um framkvæmdir undanþegnar byggingarleyfi
6. 2311040 - Umsókn um byggingarheimild eða -leyfi - Bárugata 25 - Flokkur 2
7. 2311041 - Umsókn um lóð - Bárugata 9
8. 2311042 - Umsókn um lóð - Bárugata 9
Fundargerðin lögð fram til kynningar.
| | |
|
|
|
| 26. 1605028 - Samstarf sveitarfélaga Fundargerðir Héraðsnefndar Árnesinga. | |
Lagt fram til kynningar.
| | |
|
| 27. 1601020 - Hreinlætismál Fundargerðir stjórnar Sorpstöðvar Suðurlands. | |
| Lagt fram til kynningar. | | |
|
| 28. 1602012 - Samstarf sveitarfélaga Fundargerðir stjórnar SASS. | |
| Lagt fram til kynningar. | | |
|
| 29. 1603005 - Samstarf sveitarfélaga Fundargerðir stjórnar Sambands íslenskra sveitarfélaga | |
| Lagt fram til kynningar. | | |
|
| 30. 2009027 - Fundargerðir stjórnar Samtaka orkusveitarfélaga. | |
| Lagt fram til kynningar. | | |
|
