Fundargerðir

Bæjarráð Ölfuss - 384

Haldinn í Ráðhúsi Ölfuss,
20.10.2022 og hófst hann kl. 08:15

Fundinn sátu: Grétar Ingi Erlendsson formaður,
Sigurbjörg Jenný Jónsdóttir aðalmaður,
Hrönn Guðmundsdóttir aðalmaður,
Sandra Dís Hafþórsdóttir sviðsstjóri,

Fundargerð ritaði: Sandra Dís Hafþórsdóttir, sviðsstjóri

Dagskrá:

Almenn mál

1. 2210023 - Beiðni um rekstrarstyrk

Fyrir bæjarráði lá beiðni frá Kvennaathvarfinu um rekstrarstyrk vegna ársins 2023. Fram kemur að vegna aukinnar aðsóknar og aukins framboðs á úrræðum fyrir fjölbreyttari hóp kvenna hafi rekstrarkostnaður hækkað töluvert síðustu ár en framlög frá sveitarfélögum því miður ekki fylgt þeirri hækkun. Óskað er eftir hækkun á styrk.

Undanfarin ár hefur sveitarfélagið styrkt Kvennaathvarfið með árlegum fjárframlögum enda starfsemi þess afar mikilvæg fyrir íslenskt samfélag. Bæjarráð samþykkir að hækka framlög til kvennaathvarfsins um 7,5% til jafns við aðra styrki til félagasamtaka innan bæjarfélagsins.

Samþykkt samhljóða.

2. 2210026 - Beiðni um viðauka við fjárhagsáætlun

Fyrir liggur beiðni um viðauka við fjárhagsáætlun ársins 2022 vegna viðgerðar á loftræstikerfi grunnskólans. Hluti kerfisins hefur legið niðri frá því í lok ágúst og hefur mikil áhrif á starfsmenn og nemendur. Fyrir liggur tilboð um viðgerð að fjárhæð 767.767..

Bæjarráð samþykkir viðaukann.

3. 2210021 - Bréf til þátttakenda í minningardegi um fórnarlömb umferðarslysa

Bréf frá Innviðaráðuneytinu dags. 5.október 2022 til þátttakenda í degi um fórnarlömb umferðarslysa. Dagurinn er alþjóðlegur minningardagur og verður í ár haldinn þann 20. nóvember nk.

Lagt fram til kynningar.

4. 2210022 - Samráðsgátt - Þjóðgarðar og önnur friðlýst svæði - lykilþættir

Erindi frá Umhverfis-, orku- og loftslagsráðuneytinu frá 07.10.2022 þar sem kynnt var til samráðs mál nr. 188/2022 - Þjóðgarðar og önnur friðlýst svæði-lykilþættir. Boð um umsögn var sent til hagsmunaaðila, umsagnarfrestur er til 21. október 2022.

Lagt fram.

5. 1704002 - Lagafrumvörp Beiðni Alþingis um umsögn.

144.mál - Umsögn um frumvarp til laga um breytingu á skipulagslögum nr.123/2010
44.mál - Umsögn um frumvarp til laga um almannatryggingar (skerðing á lífeyri vegna búsetu).
9.mál - Umsögn um tillögu til þingsályktunar, endurskoðun á laga- og reglugerðarumhverfi sjókvíaeldis.

Lagt fram til kynningar.

Fleira ekki gert. Fundi slitið kl. 08:50

Til baka

Prenta

Prenta síðu

X Loka

Fundargerðir

Stjórnkerfi