| |
| 1. 2410041 - M2 Óseyrarbraut - breyting á aðalskipulagi | |
| Afgreiðsla skipulags- og umhverfisnefndar: Nefndin þakkar kynninguna. | | |
|
| 2. 2410070 - Uppskipting landeignar - Hnjúkamói 5 | |
| Afgreiðsla: Samþykkt | | |
|
| 3. 2410073 - Engidalshvísl - Stækkun byggingarreits DSKbr | |
| Afgreiðsla skipulags- og umhverfisnefndar: Nefndin beinir því til bæjarstjórnar að skipulags og byggingarfulltrúum verði heimilað að samþykkja breytinguna og ganga frá málinu í samræmi við 3. mgr. 43. gr. skipulagslaga nr. 123/2010. | | |
|
| 4. 2402017 - Grímslækjarheiði - Hraunkvíar DSK | |
| Afgreiðsla skipulags- og umhverfisnefndar: Frestað. Samþjónustulóð er komin töluvert langt frá byggðinni og ef hún yrði nýtt fyrir skólaakstur gæti verið erfitt að tryggja öryggi skólabarna. Nefndin leggur til að samþjónustulóð verði færð nær byggð. | | |
|
| 5. 2410042 - Vetrarbraut 29-39 óv. DSKbr. | |
| Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgrein 43. greinar skipulagslaga nr 123/2010. | | |
|
| 6. 2410075 - Breytt stærð landeignar Vetrarbraut 29-31-33 og Vetrarbraut 35-37-39 | |
| Afgreiðsla skipulags- og umhverfisnefndar: Samþykkt. Breytingar verða lagðar fram á ferli HMS eftir skipulagssamþykki og gildistöku auglýsingar í B-deild Stjórnartíðinda. | | |
|
| 7. 2410076 - Undanþága til að geyma númerslausa rútu á Hafnarskeiði | |
| Afgreiðsla skipulags- og umhverfisnefndar: Nefndin geldur varhug við að heimila bifreiðar eða vinnutæki án númera á lóð sveitarfélagsins. Erindinu er synjað en bent er á að heimilt er að geyma rútuna á svæðinu sé hún á númerum. | | |
|
| 8. 2410019 - Nafnasamkeppni Vesturbyggð | |
Afgreiðsla skipulags- og umhverfisnefndar: Ákvörðun nefndarinnar er að notast verði við tillögðu Sigþrúðar Harðardóttur. Götunöfn verða eftirfarandi:
Mávavík
Kríuvík
Hrafnavík
Lóuvík
Gauksvík
Tjaldavík
Arnarvík
Fálkavík
Smyrilsvík
Spóavík
Götunöfnum skal raðað í stafrófsröð í gegnum hverfið. | | |
|
| 9. 2411007 - Úttekt á umhverfisáhrifum mölunarverksmiðju í kjölfar varhugs fyrirtækisins First Water | |
Afgreiðsla skipulags- og umhverfisnefndar: Nefndin hefur yfirfarið framlögð gögn. Fallist er á niðurstöðu Eflu verkfræðistofu um að umræddir umhverfisþættir hafi verið metnir eins vel og hægt er að gera fyrirfram. Vísast þar ma. til loka orða minnisblaðs Eflu þar sem segir:
„Að því gefnu að framkvæmdaraðili tryggi að framkvæmdin fari ekki yfir tilskilinn viðmiðunargildi í lögum og reglugerðum og að í starfsleyfi séu skýrar kröfur varðandi lofthreinsibúnað, vindþéttni mannvirkja og vöktun, telur EFLA ólíklegt að framkvæmdin komi til með að hafa veruleg áhrif á hljóðvist, loftmengun og titring. EFLA telur að frekari líkanagerð, útreikningar og túlkun fyrir umrædda umhverfisþætti myndu bæta litlu eða engu við núverandi þekkingu. Því telur EFLA ekki þörf á því að umhverfismat framkvæmdar sé endurskoðað og líklegt yrði að niðurstöður frekari skoðunar yrðu þær sömu og hafa verið kynntar í núverandi umhverfismatsskýrslu. EFLA telur þó mikilvægt að samhliða framkvæmdum og rekstri sé lögð rík áhersla á vöktun og að gripið sé til mótvægisaðgerða ef þörf er á“
Með hliðsjón af þessu telur Umhverfis- og skipulagsnefnd mikilvægt að starfsleyfi verksmiðjunnar, ef af byggingu hennar verður, verði háð því að rauntímamælingar verði á hljóðmengun, rykmengun og titringsmengun frá verksmiðjunni og tryggt að fari starfsemin út fyrir þau mörk sem miðað er við falli starfsleyfi úr gildi. Þá telur nefndin það einnig brýnt að starfsleyfi verksmiðjunnar verði háð því að heimild fáist til að sækja efnið í sjávarnámur enda vandséð að núverandi vegakerfi ráði við álagið sem fylgdi því að flytja efnið þá leiðina.
Með þessu er áréttað að viðhafa þarf eftirlit með þessum þáttum og ráðast í mótvægisaðgerðir eða eftir atvikum stöðvun starfsemi ef raunveruleg áhrif verða meiri en áætlað hefur verið og fara umfram viðmið.
Nefndin kallar eftir því að sveitarfélagið leggi fram öll skipulagsgögn, þ.e. vegna aðalskipulagsbreytingar, deiliskipulags og umhverfismat sem nú eru aðgengileg í skipulagsgátt. Gögnin verði lögð fram á einum stað svo þau séu sem aðgengilegust fyrir alla íbúa. Einnig mætti auglýsa í héraðsblöðum, heimasíðu og á íbúasíðu sveitarfélagsins hvar nálgast má gögnin. Nefndin vill hvetja íbúa sveitarfélagins til að kynna sér gögn málsins svo fólk geti tekið upplýsta ákvörðun í komandi íbúakosningu.
Guðmundur Oddgeirsson áheyrnarfulltrúi H-lista tók til máls og lagði fram eftirfarandi bókun:
"Það er ekki góð stjórnsýsla að setja á dagskrá viðamikið mál kl 15:52 daginn fyrir fyrir fund sem hefst 8:15. Þetta ber merki þess óðagots sem er varðandi mölunarverksmiðjuna og boðaða íbúakosningu dagana 25 - 30/11/204. Eins og Sigurður Steinar Ásgeirsson segir í tölvupósti kl 15:52 5/11/2024 „Almennt hefði verið heppilegra að fjalla um málið í skipulagsnefnd áður en það færi í almenna kynningu en vegna reglna um íbúakosningar sveitarfélaga þá urðum við að setja þetta strax í almenna kynningu“.
Einnig bendi ég á auglýsingu um skipulag frá 15/10/2024 , liður „Mölunarverksmiðja og höfn við Keflavík - breyting á aðalskipulagi“ að þar kemur fram að athugasemdarfrestur er til lok vinnudags 28/11/2024 sem er eftir að íbúakosningin hefst um umrætt skipulag. Búast má við að athugasemdir, ný gögn, berist sem þarf síðan að fjalla um og taka afstöðu til.
Í áliti EFLU dagsettu 5/11/2024 eru ýmsir varnaglar settir fram eins og varðandi loftmengun en þar segir m.a. að „?telur EFLA að aðferðafræði viðbótarannsókna sé ekki fullnægjandi“. Í samantekt EFLU segir einnig „Aðferðafræði við mat á loftmengun er háð óvissu í ljósi þess að rannsóknartímabil var stutt“.
EFLA fjallar ekki um hver áhrif af settjörnunum kunni að verða.
Að mínu mati er langt í land að öll gögn séu komin fram fyrir íbúakosninguna."
| | |
|
