| |
| 1. 2410072 - Árbær 4 Dýraspítali - ASKbr | |
| Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa skipulagslýsinguna og ganga frá málinu í samræmi við 1. mgr. 30. gr. skipulagslaga nr. 123/2010. | | |
|
| 2. 2411019 - Kynning á fundi - Aukin starfsemi Carbfix í Ölfusi | |
| Afgreiðsla skipulags- og umhverfisnefndar: Nefndin þakkar kynninguna. | | |
|
| 3. 2311031 - ASK Mýrarsel íbúðarsvæði stækkað um fimm frístundalóðir | |
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa breytinguna og ganga frá málinu í samræmi við 31. gr. skipulagslaga nr. 123/2010.
Nefndin vill vekja athygli á að staðsetja þarf samþjónustulóð miðsvæðis á skipulagssvæðinu t.d. fyrir biðstöð skólabíls, grenndargáma eða annað innan skipulagssvæðisins á deiliskipulagi í samræmi við tækilýsingu sveitarfélagsins. | | |
|
| 4. 2306049 - DSK Breyting á skipulagi hafnarsvæðis - landfylling | |
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.
Málið var tekið til atkvæðagreiðslu. Fulltrúar D- lista greiddu atkvæði með. Hrönn Guðmundsdóttir greiddi atkvæði á móti. Baldur sat hjá.
Nefndin felur skipulagsfulltrúa að senda svarbréf til umsagnaraðila.
Guðmundur Oddgeirsson, áheyrnarfulltrúi lagði fram eftirfarandi bókun:
Bókun - Mál nr. 2306049 - DSK
Það að telja að athugasemdir sem bárust kalli ekki á að gerðar séu breytingar á deiliskipulaginu eru að mínu mati vanhugsaðar.
Umhverfisstofnun er með ýmis tilmæli í sinni umsögn, 31/10/2024, eins og varðandi náttúruminjar og útivist „Því telur stofnunin mikilvægt að metin sé sammögnun áhrifa þeirrar uppbyggingar, sem hefur átt sé stað og er fyrirhuguð, m.t.t. útivistar og hvort tillagan hafi neikvæð áhrif á verndargildi náttúruminja.“
Um stjórn vatnamála segir UST „Strandsjávarvatnshlotið Stokkseyri að Þorlákshöfn hefur ekki verið ástandsflokkað, þ.e. vistfræðilegt og efnafræðilegt ástand vatnshlotsins er ekki þekkt. Því er mikilvægt að áhrif landfyllingarinnar á vatnshlot liggi fyrir áður en framkvæmdaleyfi er veitt svo leyfisveitandi geti tekið afstöðu til þess hvort framkvæmdin sé í samræmi við vatnaáætlun og lög um stjórn vatnamála.“
Í umsögn Vegagerðarinnar 5/11/2024 segir „Vegagerðin telur að enn hafi ekki verið gerð grein fyrir áhrifum landfyllingarinnar á öldu, sjólag og áhrif aðstæður til brimbrettaiðkunar á fullnægjandi hátt. Þar sem um óafturkræf áhrif er að ræða er mikilvægt að óvissu sé eytt um áhrif framkvæmdanna á öldu og sjólag.
Brimbrettafélag Íslands BBÍ færir rök fyrir því að öldufarsútreikningum sé verulega ábótavant „Grundvallar misræmi eru í Minnisblaði Portum sem sýnir að ábyrgðalaus túlkun þess er röng. Þá helst að nefna tilvitnun um að aldan sem um ræðir, brotni “um 500 metrum frá landfyllingu? við staðarheitið “Kúlu?. Þetta er einfaldlega rangt og í besta falli tilbúningur. Aldan (Aðalbrotið) brotnar mun nær landi en talið er (sjá mynd 1. hér að neðan). Túlkun Minnisblaðsins virðist byggja alfarið á loftmyndum og huglægum vangaveltum, en ekki raunverulegum aðstæðum eða útreikningum.“ BBÍ leitaði til fyrirtækisins DHI group og „sem hafa um að ráða færustu sjó- og öldufarssérfræðinga heims til að reikna út raun áhrif landfyllingarinnar á aðalbrotið. DHI group benti á að í öldufarslíkani Portum hefur landfyllingin verið “teiknuð? inn á myndina eftir á. Öldufarslíkanið tekur þ.a.l. ekki tillit til hennar eða frákasts frá henni (“reflective waves?). Brimbrettafélagið bendir á að þessi vinnubrögð séu með öllu óásættanleg í ljósi þess að um er að ræða óafturkræf áhrif á Aðalbrotið.“
Það sem hér hefur verið ritað er brot af því sem kemur fram í þeim athugasemdum sem liggja fyrir. Látum náttúruna og samfélagið njóta vafans, hættum við þessa landfyllingu.
Guðmundur Oddgeirsson áheyrnarfulltrúi H-lista.
| | |
|
| 5. 2402017 - Grímslækjarheiði - Hraunkvíar DSK | |
| Afgreiðsla skipulags- og umhverfisnefndar: Frestað | | |
|
| 6. 2411024 - Laxabraut 12 DSK | |
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr 123/2010.
Skipulagið er samþykkt með eftirfarandi fyrirvörum:
Nefndin vill benda á villu í texta þar sem tilgreint er að stærð skipulagsins sé 14,7 ha. en hefði átt að vera 1,47 ha.
Samkvæmt samkomulagi milli fyrirtækisins og sveitarfélagsins er fyrirtækinu aðeins heimilt að hýsa starfsmenn sem vinna að verkefnum First Water.
Árétta þarf skýrar í skipulagi að aðstaða verði fjarlægð að framkvæmdatíma loknum sbr. undirritað samkomulag aðila. | | |
|
| 7. 2411025 - Sögusteinn DSK | |
| Afgreiðsla skipulags- og umhverfisnefndar: Nefndin kallar eftir því að samþjónustulóð verði færð inn á skipulagið í samræmi við tæknilýsingu sveitarfélagsins sem var samþykkt eftir staðfestingu síðasta uppdráttar. | | |
|
| 8. 2411002 - ASKbr Hótel í Hafnarvík - fjölgun gesta og gistirýma | |
| Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgr. 36. gr. skipulagslaga nr 123/2010. | | |
|
| 9. 2411029 - Bárugata 1 ób. DSKbr | |
| Afgreiðsla Skipulags- og umhverfisnefndar: Lóðarhafa er heimilað að láta gera deiliskipulagsbreytingu á sinn kostnað þannig að byggingarreitur stækki í samræmi við fyrirliggjandi teikningu. | | |
|
| 10. 2410019 - Nafnasamkeppni Vesturbyggð | |
| Nefndin fellst á að aðlaga nöfn þannig að í stað Gauksvíkur kemur Álftavík og í stað Smyrilsvíkur kemur Smyrlavík. | | |
|
