Fundargerðir

Bæjarstjórn Ölfuss - 335

Haldinn í Ráðhúsi Ölfuss,
26.09.2024 og hófst hann kl. 16:30

Fundinn sátu: Gestur Þór Kristjánsson forseti bæjarstjórnar,
Sigurbjörg Jenný Jónsdóttir 1. varaforseti,
Grétar Ingi Erlendsson bæjarfulltrúi,
Erla Sif Markúsdóttir bæjarfulltrúi,
Vilhjálmur Baldur Guðmundsson bæjarfulltrúi,
Hrafnhildur Hlín Hjartardóttir 2. varamaður,
Böðvar Guðbjörn Jónsson 1. varamaður,
Elliði Vignisson bæjarstjóri,
Sandra Dís Hafþórsdóttir sviðsstjóri,

Fundargerð ritaði: Sandra Dís Hafþórsdóttir, sviðsstjóri

Í upphafi fundar leitaði forseti eftir athugasemdum við fundarboð en engar bárust.

Dagskrá:

Almenn mál

1. 2405108 - Viðaukar við fjárhagsáætlun 2024

Lagður er fram viðauki við fjárhagsáætlun ársins 2024. Í viðaukanum er fjárfesting ársins lækkuð um 156,3 milljónir nettó. Lækkunin er tilkomin vegna verkefna sem ekki verður farið í á árinu og vegna sölu á eign.

Lækkun á rekstrartekjum í viðauka er 120,1 milljón frá upphaflegri áætlun. Um er að ræða breytingar á nokkrum liðum en mestu munar um aukið fjármagn til rekstur leikskóla vegna fjölgunar og inntöku yngri barna.

Viðaukinn var lagður fyrir 428.fund bæjarráðs og var samþykktur þar.

Bæjarstjórn samþykkir viðaukann.

Samþykkt samhljóða.

2. 1806017 - Kosning í nefndir og ráð Sveitarfélagsins Ölfuss.

Kosning tveggja varamanna í skólanefnd Hveragerðis og Ölfuss í stað þeirra Margrétar Pollýar Hansen og Indíönu Sólveigar Marques.

Bæjarstjórn samþykkir að Helga Dögg Snorradóttir D-lista og Cora Jovanna Class B-lista verði varamenn í skólanefnd Hveragerðis og Ölfuss.

Samþykkt samhljóða.

3. 2105036 - Fundartími bæjarstjórnar

Samkvæmt samþykktum sveitarfélagsins ætti næsti reglulegi fundur bæjarstjórnar að vera fimmtudaginn 31.október nk. Þar sem ársþing SASS er á sama tíma er lagt til að fundurinn verði miðvikudaginn 30.október.

Samþykkt samhljóða.

4. 2409036 - Frístundastarf fyrir börn og ungmenni sumarið 2025 - tillaga frá B og H lista

Tillaga frá bæjarfulltrúum B- og H-lista um frístundastarf fyrir börn og ungmenni sumarið 2025.

Lagt er til að vísa málinu til umfjöllunar í íþrótta- og tómstundanefnd.

Samþykkt samhljóða.

5. 2409037 - Garðsláttur - tillaga frá B- og H-lista

Tillaga frá B- og H-lista um garðslátt fyrir eldri borgara og öryrkja.

Lagt er til að vísa málinu til umfjöllunar í fjölskyldu- og fræðslunefnd.

Samþykkt samhljóða.

6. 2310036 - DSK íbúðar- og frístundalóðir ofan vegar Riftún L171796

Endurkoma eftir athugasemdaferli
Heilbrigðiseftirlit gerði athugasemdir sem brugðist hefur verið við. Vegagerðin benti á að sýna þyrfti veghelgunarsvæði á uppdrætti en mörk deiliskipulagsins liggja ekki yfir veghelgunarsvæði.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. greinar skipulagslaga nr. 123/2010.