| |
| 1. 2302029 - Stafræn húsnæðisáætlun Ölfuss 2023 | |
Hrönn Guðmundsdóttir, Elliði Vignisson og Grétar Ingi Erlendsson tóku til máls.
Húsnæðisáætlun Sveitarfélagsins Ölfuss 2023 samþykkt samhljóða.
| | |
|
| 2. 2302033 - Sjókvíaeldi stjórnsýsluúttekt - Ríkisendurskoðun | |
Erla Sif Markúsdóttir, Hrönn Guðmundsdóttir og Grétar Ingi Erlendsson tóku til máls.
Erla Sif Markúsdóttir lagði fram eftirfarandi bókun:
Bæjarstjórn Sveitarfélagsins Ölfuss fagnar stjórnsýsluúttekt á sjókvíaeldi enda mikilvægt að greininni verði gert mögulegt að vaxa og dafna í sátt við nærsamfélag starfseminnar og náttúrunnar. Bent er á að rúmlega 522 manns störfuðu hjá fiskeldisfyrirtækjum á Íslandi árið 2020 og tæplega 600 manns árið 2021. Rekstrartekjur hafa tífaldast frá árinu 2010 og voru tæpir 40 milljarðar árið 2020. Áætlaðar tekjur fyrir árið 2021 eru tæpir 45 milljarðar miðað við veltu samkvæmt virðisaukaskattsskýrslum.
Bæjarstjórn Ölfuss gerir athugasemdir við framgöngu þeirra sem nýtt hafa skýrslu Ríksendurskoðunar til að vega að starfsemi laxeldisfyrirtækja og jafnvel kallað eftir því að rekstri þessara fyrirtækja verði hætt með tilheyrandi tjóni fyrir nærsamfélög þeirra. Nær er að líta til ábendinga um hvernig skerpa megi á stjórnsýslu þessarar atvinnugreinar þannig að samfélagið fái notið þess vaxtar sem greinin á inni.
Bókunin var samþykkt samhljóða af öllum bæjarfulltrúum. | | |
|
| 3. 2202001 - Atvinnustefna Ölfuss | |
Bæjarstjórn þakkar kynninguna og samþykkir fyrir sitt leyti það vinnulag sem lagt er til í kynningunni.
Samþykkt samhljóða.
| | |
|
| 4. 1909030 - Héraðsskjalasafn-framtíðarhúsnæði | |
Forseti lagði fram eftirfarandi bókun:
Bæjarstjórn Ölfuss hefur marg ítrekað að forsenda þess að hægt verði að ráðast í kaup á húsnæði sé að um hagstæðasta kostinn sé að ræða og kaupferlið sé gagnsætt og í samræmi við vandaða innkaupastefnu sveitarfélaga sem standa að byggðasamlaginu. Þá er brýnt að stuðst sé við þá þarfagreiningu sem samþykkt var einróma af stjórn og lögð til grundvallar vali á milli þeirra kosta sem voru skoðaðir.
Samkvæmt þeim uppdrætti sem nú liggur fyrir og jafnframt er forsenda minnisblaðs Eflu þá má glöggt sjá að viðkomandi húsnæði stenst ekki þá þarfagreiningu sem lögð var fram fyrr í ferlinu.
Mikilvægt er að þeir aðilar sem skiluðu inn verðtilboði og valið stóð á milli varðandi húsnæðið sitji við sama borð og verði ekki mismunað með því að víkja frá umræddri þarfagreiningu eftir þörfum á seinni stigum málsins nema allir fái kost á sömu aðlögun. Skv. uppdráttum sem fylgdu minnisblaðinu er það ekki raunin. Slík framganga samræmist engan vegin innkaupareglum Ölfuss og vart annarra sveitarfélaga sem að málinu koma.
Bæjarstjórn vekur ennfremur athygli á því að enn standa eftir ósvaraðar spurningar frá 312. fundi bæjarstjórnar varðandi aðgengismál, algilda hönnun og þar af leiðandi mögulegan ófyrirséðan kostnað. Ekki er því hægt að taka afstöðu til málsins fyrr en áðurnefnd atriði og fullgerðir uppdrættir liggja fyrir enda væri slík ákvarðanataka ekki vönduð stjórnsýsla.
Bæjarstjórn frestar því afreiðslu erindisins þar til tryggt hefur verið að kaupferillinn standist innkaupareglur og þar með að unnið sé eftir þeirri þarfagreiningu sem lögð hefur verið til grundvallar við staðarval.
Samþykkt samhljóða.
| | |
|
| 5. 1607014 - Skóla og velferðarmál Fundargerðir skólaþjónustu og velferðarnefndar Árnesþings. | |
Hrönn Guðmundsdóttir og Elliði Vignisson tóku til máls.
Bæjarstjórn samþykkir fundargerðina í heild sinni og þar með þær breytingar á gjaldskrám sem lagðar eru til í 3. lið fundargerðarinnar.
Samþykkt samhljóða. | | |
|
| 6. 1603010 - Málefni fatlaðs fólks Fundargerðir stjórnar Bergrisans. | |
Fundargerðin lögð fram til kynningar.
Samþykkt að vísa breytingum á samþykktum Bergrisans til annarar umræðu í bæjarstjórn Ölfuss.
Samþykkt samhljóða. | | |
|
| 7. 2301038 - ASK Breyting á aðalskipulagi - Raufarhólshellir | |
| Niðurstaða nefndarinnar staðfest. | | |
|
| 8. 2302017 - Deiliskipulag vegna rannsóknarborhola í Meitlum á Hellisheiði | |
Sigurbjörg Jenný Jónsdóttir, Elliði Vignisson og Hrönn Guðmundsdóttir tóku til máls.
Tillaga að eftirfarandi afgreiðslu lögð fram: Niðurstaða nefndarinnar staðfest með þeim fyrirvara að skipulagslýsingin verði ekki auglýst fyrir en ON hefur gert grein fyrir því hvernig tilgreind framkvæmd fellur að ákvæðum Sveitarfélagsins Ölfuss um að auðlindanýting sem þessi sé til hagsbóta fyrir íbúa og fyrirtæki í sveitarfélaginu.
Samþykkt samhljóða.
| | |
|
| 9. 2302015 - DSK Krókur, hótel stækkun byggingarreits | |
| Niðurstaða nefndarinnar staðfest. | | |
|
| 10. 2302021 - DSK Breyting á deiliskipulagi Gljúfurárholt land 9 | |
| Niðurstaða nefndarinnar staðfest. | | |
|
| 11. 2302018 - Stofnun lóða Mánstaðir 4 | |
| Stofnun umræddra lóða samþykkt. | | |
|
| 12. 2301039 - Deiliskipulag Bjarnastaða | |
Niðurstaða nefndarinnar staðfest.
| | |
|
| 13. 2208037 - Loftgæðamælar í Þorlákshöfn | |
Hrönn Guðmundsdóttir, Grétar Ingi Erlendsson og Elliði Vignisson tóku til máls.
Lagt var til að vísa málinu til gerðar fjárhagsáætlunar næsta árs.
Samþykkt samhljóða.
| | |
|
| 14. 2202040 - DSK Hjarðarból svæði 3 og 4 | |
| Niðurstaða nefndarinnar staðfest. | | |
|
| 15. 2210027 - DSK Lækur 2 lóð C deiliskipulagsbreyting | |
Gestur Þór Kristjánsson vék af fundi við afgreiðslu þessa liðar og tók Sigurbjörg Jenný Jónsdóttir við fundarstjórn.
Niðurstaða nefndarinnar staðfest.
Gestur Þór Kristjánsson tók aftur við stjórn fundarins.
| | |
|
| |
| 16. 2302002F - Framkvæmda- og hafnarnefnd - 36 | |
1. 2109002 - Stækkun hafnarinnar Áfangi 1. Suðurvarargarður og Suðurvararbryggja.
Gert var fundarhlé í 5 mínútur.
Fundi framhaldið og Böðvar Guðbjörn Jónsson varabæjarfulltrúi H-lista tók til máls undir þessum lið og lagði fram eftirfarandi bókun:
Undirritaður mótmælir því sem fram kemur í bókun fulltrúa meirihlutans í fundargerð framkvæmda- og hafnarnefndar frá 16. febrúar 2023. Er í þeirri bókun ráðist með ómálefnalegum hætti að kjörnum bæjarfulltrúa minnihlutans, Ásu Berglindi, og byggt á viðtali sem Ása veitti fjölmiðlinum Heimildinni.
Í viðtali við Heimildina ræðir Ása Berglind um áherslur meirihluta sveitarstjórnar á síðasta kjörtímabili og að hún hafi gagnrýnt þær á sínum tíma, þegar hún var ekki kjörinn fulltrúi.
Hvergi er að sjá í fyrrnefndu viðtali við Ásu Berglindi að hún sé að saka núverandi né fyrrverandi nefndarfólk í framkvæmda- og hafnarnefnd um annarlega hagsmuni eða ásaka þau um eitt eða neitt. Skírskotun til þess að Ása Berglind hafi með ummælum sínum í viðtali við heimildina verið að saka fyrrgreinda nefndarmenn um brot gegn 24. gr. sveitarstjórnarlaga nr. 138/2011 er með öllu fjarstæðukennd. Það að gagnrýna ákvarðanir sveitarstjórnar og vera þeim ósammála felur ekki í sér ásökun um brot á sveitarstjórnarlögum.
Böðvar Guðbjörn Jónsson varabæjarfulltrúi H-lista
Grétar Ingi Erlendsson tók til máls.
Hrönn Guðmundsdóttir bæjarfulltrúi B-lista tók til máls og lagði fram eftirfarandi bókun:
Undirrituð gerir athugasemd varðandi bókun sem lögð var fram af meirihluta framkvæmda- og hafnarnefndar á síðasta fundi þann 16. febrúar varðandi viðtal bæjarfulltrúans Ásu Berglindar Hjálmarsdóttur í Heimildinni. Í viðtalinu kemur hvergi fram að hún sé að tjá sig sem fulltrúi minnihlutans á nokkurn hátt, heldur gerir hún það sem íbúi í samfélaginu.
Undirrituð sat þennan fund í forföllum Ásu Berglindar, en í fundargögnum kemur ekkert fram að ræða ætti þetta viðtal. Síðan er lögð fram bókun og ætlast til að undirrituð bregðist við, sem er að öllu leyti óskiljanlegt því undirrituð átti engan þátt í málinu. Í bókuninni er einnig hvatning til nefndarfólks um að viðhöfð verði vönduð vinnubrögð sem undirrituð tekur heilshugar undir. Vil ég koma á framfæri að vanda mætti betur dagskrá funda þannig að þar komi fram það sem ræða eigi og nægileg fylgigögn með svo allt nefndarfólk hafi sömu möguleika á að setja sig betur inn í mál og verið betur undirbúið fyrir fundi og geti svarað því sem að nefndarfólki er beint.
Hrönn Guðmundsdóttir bæjarfulltrúi B-lista
Elliði Vignisson og Erla Sif Markúsdóttir tóku til máls.
Gert var 5 mínútna fundarhlé.
Fundi fram haldið og Grétar Ingi Erlendsson lagði fram eftirfarandi bókun fyrir hönd meirihlutans:
Undirrituð ítreka þá afstöðu sem fram kemur í afgreiðslu framkvæmda- og hafnarnefndar. Framganga bæjarfulltrúans og nefndarmannsins Ásu Berglindar Hjálmarsdóttur í tilgreindu viðtali er með öllu óverjanleg. Þar stígur hún fram með ásakanir á hendur kjörinna fulltrúa og starfsmanna og sakar þá um að ganga erinda eins fyrirtækis, gegn hagsmunum samfélagsins. Framkoma gagnvart félögum hennar í bæjarstjórn er þó ekki eins alvarleg og þung orð hennar og ásakanir í garð almennra bæjarbúa sem ekkert hafa til sakar unnið annað en að reka sitt fyrirtæki í sínum heimabæ.
Ádráttur sá er fram kemur í bókun minnihlutans um að óeðlilegt sé að ræða rangfærslur bæjarfulltrúa á fyrsta fundi nefndarinnar eftir að viðtalið við hana birtist byggir á misskilningi. Vissulega boðaði bæjarfulltrúin forföll með skömmum fyrirvara en tækifæri hennar til að svara fyrir sig á næsta bæjarstjórnarfundi voru ekki skertar. Þar sem hún er ekki heldur stödd á þessum bæjarstjórnarfundi tilkynna undirrituð það hér með að þeir hyggjast taka málið aftur upp á næsta bæjarstjórnarfundi til að gefa henni tækifæri á að gera grein fyrir því hvað lá til grundvallar framgöngu hennar, eða biðjast afsökunar á orðum sínum.
Erla Sif Markúsdóttir, Grétar Ingi Erlendsson, Gestur Þór Kristjánsson og Sigurbjörg Jenný Jónsdóttir bæjarfulltrúar D-lista.
2. 2302001 - Dýpkun við Suðurvararbryggju
3. 2302007 - Dælulögn Ísþórs innan hafnarsvæðis
4. 2204028 - Íþróttamiðstöð- endurnýjun rennibrautar
5. 2302013 - Clean up Iceland - Boð um þátttöku
6. 2302009 - Stækkun lóðar fyrir fráveituhreinsistöð
7. 2302010 - Endurnýjun dælubrunns fyrir fráveitu
8. 2302008 - Ný fráveituhreinsistöð
Hrönn Guðmundsdóttir og Böðvar Guðbjörn Jónsson tóku til máls og gerðu grein fyrir afstöðu sinni. Fundargerðin tekin fyrir í heild sinni og hún staðfest.
| | |
|
| 17. 2302001F - Bæjarráð Ölfuss - 391 | |
1. 2302011 - Beiðni um styrk
2. 2211024 - Lóðaleigusamningur Laxabraut 35-41
3. 2302028 - Landsþing Sambands íslenskra sveitarfélaga 2023
4. 2302025 - Framboð í stjórn Lánasjóðs sveitarfélaga 2023
Fundargerðin lögð fram í heild sinni og hún staðfest. | | |
|
| 18. 2301010F - Skipulags- og umhverfisnefnd - 45 | |
1. 2301042 - Kynning - stafræn samskipti sveitarfélags og byggingaraðila
2. 2302014 - Lóðamörk í Ölfusi
3. 2301038 - Breyting á aðalskipulagi v Raufarhólshellis. Tekið fyrir sérstaklega.
4. 2302022 - Ósk um breyting á aðalskipulagi vegna rannsóknarborana og vinnslu jarðhita á nýjum svæðum í Henglinum
5. 2302017 - Deiliskipulag vegna rannsóknarborhola í Meitlum á Hellisheiði. Tekið fyrir sérstaklega.
6. 2302015 - DSK Krókur, hótel stækkun byggingarreits. Tekið fyrir sérstaklega.
7. 2302021 - DSK Breyting á deiliskipulagi Gljúfurárholt land 9. Tekið fyrir sérstaklega.
8. 2301039 - Deiliskipulag Bjarnastaða. Tekið fyrir sérstaklega.
9. 2210027 - DSK Lækur 2 lóð C deiliskipulagsbreyting
10. 2202040 - DSK Hjarðarból svæði 3 og 4. Tekið fyrir sérstaklega.
11. 2201041 - Framkvæmadaleyfisumsókn rannsóknarhola á Bláfjallasvæði
12. 2302002 - Mammút veitur - umsókn um framkvæmdaleyfi
13. 2301040 - Skógrækt í landi Alviðru við Sogið - umsögn um matsfyrirspurn
14. 2302003 - Umsögn um umhverfismat vegna aukinnar niðurdælingar Á CO2 á Hellisheiði
15. 2302005 - Stofnun lóðar fyrir skólphreinsistöð við Hafnarbakka
16. 2301044 - Staðsetning fjarskiptaloftnets á íþróttahúsi Þorlákshafnar
17. 2302024 - Lögn frá Ísþór að Skarfaskersbryggju
18. 2302027 - Umsögn um matsáætlun vegna efnisvinnslu úr sjó við Landeyjarhöfn
19. 2208037 - Loftgæðamælar í Þorlákshöfn. Tekið fyrir sérstaklega.
Fundargerðin tekin fyrir í heild sinni og hún staðfest.
| | |
|
| 19. 2302004F - Ungmennaráð - 3 | |
1. 2112015 - Skólastefna Sveitarfélagsins Ölfuss
Fundargerðin staðfest. | | |
|
| |
| 20. 1603005 - Samstarf sveitarfélaga Fundargerðir stjórnar Sambands íslenskra sveitarfélaga | |
Lagt fram til kynningar.
| | |
|
| 21. 2302026 - Arnardrangur hses.fundargerðir stjórnar | |
Lagt fram til kynningar.
| | |
|
| 22. 2009027 - Fundargerðir stjórnar Samtaka orkusveitarfélaga. | |
Lagt fram til kynningar.
| | |
|
| 23. 1603010 - Málefni fatlaðs fólks Fundargerðir stjórnar Bergrisans. | |
Lagt fram til kynningar.
| | |
|
