Fundargerðir

Öldungaráð - 3

Haldinn Verið - fundarsalur Ölfus Cluster,
05.12.2023 og hófst hann kl. 15:00

Fundinn sátu: Bettý Grímsdóttir formaður,
Sigurður Ósmann Jónsson varaformaður,
Ásta Júlía jónsdóttir aðalmaður,
Halldór Sigurðsson aðalmaður,
Hafdís Þóra Ragnarsdóttir aðalmaður,
Sigrún Theódórsdóttir aðalmaður,
Jóhanna M Hjartardóttir sviðsstjóri,
Kolbrún Una Jóhannsdóttir forstöðumaður,

Fundargerð ritaði: Jóhanna M. Hjartardóttir, sviðsstjóri

Dagskrá:

Almenn mál

1. 2312010 - Áhrif á stefnumál eldri borgara í Ölfusi

Rætt um þjónustu og framtíðarsýn í málefnum eldri borgara. Hlutverk ráðsins á að vera ráðgefandi og mikilvægt að benda á verkefni sem hafa áhrif til góðs fyrir eldra fólk.

Öldungaráð óskar eftir því að fá mál til umsagnar frá sveitarfélaginu og taka þátt í gerð fjárhagsáætlunar.

Ákveðið að halda opinn fræðslufund um starf öldungaráðs þar sem verður kynnt hlutverk öldungaráðs, stefna í málefnum eldri borgara og önnur málefni sem brenna á eldri borgurum.

Einnig að vinna upplýsingabækling um starf öldungaráðs og kynna öldungaráð sem vettvang þar sem fólk getur komið með ábendingar um hvað betur má fara í Sveitarfélaginu Ölfusi.

2. 2312011 - Stefna um málefni eldri borgara

Öldungaráð vann í drögum að stefnu um málefni eldri borgara. Umræður um einstaka kafla stefnunnar og mögulegar áherslur. Einnig stefnir ráðið á að vinna með sveitafélaginu að bættu aðgengi fyrir gangandi vegfarendur, bæta merkingar og lýsingu, og fjölga bekkjum við göngustíga.

Samþykkt að vinna að dagskrá fyrir opinn fræðslufund fyrir eldri borgara í samvinnu við sviðsstjóra. Í framhaldinu að boða til opins fundar um málefni eldri borgara þar sem verður fjallað um einstaka kafla stefnunnar og mögulegar áherslur.

Fleira ekki gert. Fundi slitið kl. 17:00

Til baka

Prenta

Prenta síðu

X Loka

Fundargerðir

Stjórnkerfi