| |
| 1. 2504074 - Stóri Plokkdagurinn 27. apríl 2025 | |
| Afgreiðsla skipulags- og umhverfisnefndar: Kynnt á fundinum. | | |
|
| 2. 2504089 - Árlegt hreinsunarátak í dreifbýli Ölfuss - staðsetning gáma | |
Afgreiðsla skipulags- og umhverfisnefndar: Staðsetningar gáma fyrir næstu 3 ár voru ákveðnar á fundinum.
Hreinsunarátak 2025 mun standa yfir frá 2. - 19 maí.
2025
Vellir
Bæjarþorp
Sandhóll
2026
Hjarðarbólssvæðið
Hjallatorfan
Kirkjuferja
2027
Klettagljúfur
Þóroddstaðir
Sunnuhvoll | | |
|
| 3. 2502039 - Uppgræðslusjóður 2025 | |
| Afgreiðsla skipulags- og umhverfisnefndar: Samþykkt. | | |
|
| 4. 2504014 - Skilti við Suðurstrandaveg, við vegamót Laxabrautar | |
| Afgreiðsla skipulags- og umhverfisnefndar: Staðsetning og hönnun skiltisins er samþykkt af hálfu sveitarfélagins. Afla þarf leyfis frá Vegagerð áður en skiltið er sett upp. | | |
|
| 5. 2504071 - Bær í Ölfusi, tilfærsla byggingarreits DSKbr | |
| Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010. | | |
|
| 6. 2402064 - Þóroddstaðir 2 - lóð G DSK | |
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010. Samþykkt með fyrirvara um að taka þarf út texta í greinargerð þar sem vísað er til aukningu á getu vatnsveitu Ölfuss.
| | |
|
| 7. 2410041 - M2 Óseyrarbraut - breyting á aðalskipulagi | |
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa breytinguna og ganga frá málinu í samræmi við 31. gr. skipulagslaga nr. 123/2010.
Guðmundur Oddgeirsson áheyrnarfulltrúi H-lista lagði fram eftirfarandi bókun: Hér er að mínu mati skipulagsslys í uppsiglingu sem þó er ekki of seint að vinda ofan af. Mikill þéttleiki og þar af leiðandi þröngt um bílastæði og í annan stað er það galið að kljúfa í sundur hafnarsvæðið með því að fara með miðbæjarskipulagið austur fyrir Óseyrarbraut. Birtir hér úrdrátt úr bókun minni á fundi bæjarstjórnar þann 22/1/2022 við mál 7.2111026 en þar segir „Hafnarsvæðið er í mikilli þróun og því ætti ekki að breyta skipulaginu á svæðinu að svo stöddu. Þorlákshöfn er inn- og útflutningshöfn, hafnarvernd/tollsvæði er óaðskiljanlegur hluti hafnarsvæðis og með því að reka fleyg í svæðið, slíta hafnarsvæðið í tvennt, getur það ógnað möguleikum á hafntengdri starfsemi á þessum stað. Kaupendum hússins (innsk. Frostfisk) mátti vera ljóst að það væri inn á skilgreindu hafnarsvæði og hvaða kvaðir fylgi því.“ Það er engu líkara að hönnuðir haldi að Þorlákshöfn sé sambærileg við Reykjavíkur-túristahöfnina en nær væri að miða við Sundahöfn.
Fulltrúar D-lista lögðu fram eftirfarandi mótbókun: Við viljum árétta að miðbæjarskipulag í Aðalskipulagi við Hafnarskeið er ekki nýtt af nálinni. Hér er einungis verið að breyta Aðalskipulagi við Óseyrarbraut í tengslum við uppbyggingu íbúða í samræmi við samning þar um. Breyting á Aðalskipulagi við Hafnarskeið væri í andstöðu við gildandi deiliskipulag á svæðinu og afturköllun þess gæti leitt af sér skaðabótakröfu fyrir sveitarfélagið. | | |
|
| 8. 2504075 - Þorlákshafnarlína 2 ASKbr | |
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa skipulagslýsinguna og ganga frá málinu í samræmi við 1. mgr. 30. gr. skipulagslaga nr. 123/2010.
Nefndin óskar eftir því að yfirborðsfrágangur verði með þeim hætti að mögulegt sé að leggja hjólastíg þar ofan á. | | |
|
| 9. 2504076 - Hafnarsvæði H3 - stækkun skipulagssvæðis - ASKbr | |
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa skipulagslýsinguna og ganga frá málinu í samræmi við 1. mgr. 30. gr. skipulagslaga nr. 123/2010.
Guðmundur Oddgeirsson áheyrnarfulltrúi H-lista lagði fram eftirfarandi bókun: Ég er alfarið á móti því að færa hafnarsvæði til suðurs umfram það sem þegar er orðið, inn á hverfisverndað svæði. Hér eru koma rækilega upp á yfirborðið skipulagsmistök við framþróun hafnarinnar, að draga hana í suður í stað þess að fara í norðurhöfnina þar sem landrými er mikið. Einnig bendi ég á enn og aftur á þau skipulagsmistök að kljúfa hafnarsvæðið í tvennt með því að draga miðbæjarskipulagið og væntanlega íbúðabyggð inn í höfnina. Sjá nánar í bókun undirritaðs í fundargerð bæjarstjórnar nr. 298 þann 22/1/2022. Réttast væri að endurskoða skipulag hafnarinnar með tilliti til aukinna umsvifa sem þó voru fyrirséð. Nægjanlegt svæði er á upplandi hafnarinnar og aðgengi gott um Hafnarskeiðið ef rétt er haldið á spilunum.
Fulltrúar D- lista lögðu fram eftirfarandi mótbókun: Það liggur fyrir að stækkun hafnarinnar til suðurs og lenging suðurvarargarðs var nauðsynleg til að tryggja sem besta lygnu innan hafnar og stuðla þannig að frekari stækkun hennar til norðurs. Einnig liggur Suðurvararbryggja einstaklega vel til að þjónusta alla þá uppbyggingu sem á sér stað vestur af Þorlákshöfn í tengslum við fiskeldi og tengda starfsemi. Þetta styttir þjónustuleiðir milli hafnarinnar og þeirrar starfsemi sem nú byggist upp við Laxabraut. Tenging milli norður og suðurhafnar er væntanleg alveg við sjávarkantinn sem minnkar umferð um Hafnarskeið. Skipulagsbreytingin hefur verið unnin í góðu samstarfi við minjavernd og tekur tillit til kröfu þeirra til svæðisins. Skipulagsbreytingin er í samræmi við niðurstöður sérstaks starfshóps sem settur var á laggirnar til að nýting á upplandi suðurvararbryggju H3 nýtist sem best. | | |
|
| 10. 2503045 - Umsókn um framkvæmdaleyfi - Borun rannsóknarholu HR-02 | |
| Afgreiðsla skipulags- og umhverfisnefndar: Frestað. | | |
|
| 11. 2503034 - Umsókn um framkvæmdaleyfi vegna lagningu afstrengja vegna stækkunar varmastöðvar Hellisheiðarvirkjunnar. | |
Skipulags- og umhverfisnefnd leggur fram eftirfarandi sameiginlega bókun:
Uppbygging og afhending á heitu vatni í dreifbýli Ölfuss
Skipulags- og umhverfisnefnd Ölfuss hefur áhyggjur af uppbyggingu hitaveitu í dreifbýli Ölfuss. Nefndin hefur fengið ítrekaðar ábendingar óánægðra nýbúa sem hafa fengið synjun um tengingu á nýbyggingar. Einnig hafa borist kvartanir um óeðlilegt hitastig á vatninu.
Nefndinni finnst ótækt að í einu orkuríkasta sveitarfélagi landsins þar sem ein stærsta jarðvarmavirkjun Evrópu er rekin séu íbúar að setja upp varmadælur og kynda húsin sín á rafmagni. Nú þegar á að auka vatnsöflun Hellisheiðarvirkjunar gríðarlega og senda allt það vatn út úr sveitarfélaginu finnst nefndinni eðlilegt að kalla eftir viðbrögðum frá forsvarsmönnum um það hver staða vatnsöflunar sé fyrir íbúa dreifbýlis Ölfuss.
Nefndin kallar eftir aðgerðaáætlun um viðhald og uppbyggingu veitunnar sem þegar er rekin í sveitarfélaginu og vill sjá framgang í þeim málum sem snúa að henni. Íbúum sem hafa fengið synjun um tengingu er tjáð að möguleiki sé á tengingu innan tiltekins tímaramma en ekkert hefur staðist af þeim áætlunum.
Einnig veit nefndin til þess að þeir sem hafa fengið synjun um tengingu við hitaveitu og þar af leiðandi lagt í kostnað við borun holu í eigin landi til einkanota hafi fengið bréf frá lögfræðingi fyrirtækisins þar sem lögmaðurinn taldi landeigendur vera í órétti með að afla sér vatns til húshitunar.
Meðfylgjandi eru þær umsagnir sem Veitur hafa birt nýlega á þau skipulög sem nú eru í opnu athugasemdaferli. Umsagnirnar hafa verið mikið fleiri en eru ekki sýnilegar í skipulagsgátt.
Ef forsvarsmenn fyrirtækisins telja nefndina fara með rangt mál getur nefndin lagt í þá vinnu að safna saman þeim synjunum sem íbúar sveitarfélagsins hafa fengið um tengingu og einnig lögfræðibréf sem send voru á landeigendur tengd vatnsöflun til húshitunar. Nefndin telur þá vinnu óþarfa enda ættu forsvarsmenn fyrirtækisins að sjá þær í sínum kerfum.
| | |
|
| 12. 2412025 - Sogn - Nýtt deiliskipulag | |
| Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010. | | |
|
