Sing-Along með Lúðró

Lúðrasveit Þorlákshafnar heldur einhverskonar sumarupphitunartónleika laugardagskvöldið 5. apríl í Versölum, Ráðhúsi Ölfuss í Þorlákshöfn. Tónleikarnir bera yfirskriftina Sing-Along með Lúðró enda efnisskráin samsett úr íslenskum smellum, lögum sem tilvalið er að bresta í söng með ef vill og jafn vel dilla sér líka - og verða áhorfendur hvattir til hvoru tveggja! Um er að ræða pokatónleika þar sem einskonar kaffihúsastemning mun ráða ríkjum og markmiðið að fólk fari kátt út í komandi vor.