Lóðaréttur til sölu

Sveitarfélagið Ölfus auglýsir til sölu lóðarétt á Austurbakka 1, 3 og 5. Um er að ræða atvinnulóðir ætlaðar til nýtingar undir hafnsæknaþjónustu. Lóðirnar eru á áberandi stað við innkomu að bænum og því koma eingöngu til álita umsóknir sem þjóna svæðinu m.t.t. útlits og og vaxandi hlutverks svæðisins í heildarskipulagi og ásýnd.

Með vísan í 7. gr lóðarúthlutunarreglna þurfa umsækjendur að tilgreina með glöggum hætti byggingaráform og framkvæmdarhraða auk þess verðs sem boðið er í lóðina.

Tilboð verða vegin og metin eftir eftirfarandi atriðum:

1. Eingöngu kemur til greina að láta lóðir til þeirra sem hyggjast nýta þær undir byggingar sem hýsa munu hafnsækna þjónustu. Lóðin skal að mestu nýtt undir byggingu en ekki geymsluplan.
2. Sýna þarf fram á að útlit húss taki mið af því að það standi á áberandi stað. Eingöngu kemur til greina að láta lóðir til þeirra er sýna fram á að áform mæti gæðakröfu um hönnun.
3. Verð verður látið skera úr á milli þeirra sem hyggjast nýta lóðirnar í samræmi við ofangreint.
4. Falli bjóðandi hæsta tilboðs frá tilboði eða komi í ljós að fyrirætlan hans falli ekki að framtíðarnýtingu lóðarinnar undir byggingar skal næst hæsta tilboði tekið og svo koll af kolli.

Senda skal umsóknir á netfangið sigmar@olfus.is fyrir kl: 11:00 föstudaginn 24. maí nk.