Alþjóðadagur kennara - Garðar tilnefndur til íslensku menntaverðlaunanna

Í dag er alþjóðadagur kennara. Við  erum stolt af öllum okkar frábæru kennurum og óskum þeim til hamingju með daginn. Í tilefni dagsins voru kynntar tilnefningar til íslensku menntaverðlaunanna. Íslensku menntarverðlaunin voru stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. Garðar Geirfinnsson kennari við Grunnskólann í Þorlákshöfn er einn af fimm kennurum sem tilnefndir eru í flokknum framúrskarandi kennari. Við erum stolt af Garðari sem er svo sannarlega vel að tilnefningunni kominn! 

Veitt eru verðlaun í eftirfarandi flokkum:

1. Framúrskarandi mennta- eða skólastarf
2. Framúrskarandi kennari
3. Framúrskarandi skólaþróunarverkefni

Til viðbótar eru veitt hvatningarverðlaun.

Íslensku menntarverðlaunin voru stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. „Það er allt undir, leikskólarnir, grunnskólarnir, framhaldsskólar og frístundastarf,“ segir Gerður.

Hún bendir á hve stór hluti af lífi hverrar manneskju skólastarfið er. „Þegar maður er með krakka talar maður ekki um annað en hvernig var í skólanum, hver sagði hvað, hvernig gengur og hvað má gera betur. Alltaf erum við að rifja upp hvernig okkur gekk í skóla,“ segir Gerður. „Þetta er bara lífið. Skólinn er bara lífið sjálft sem allt snýst um.“

Frekari upplýsingar um tilnefnda og rökstuðning má lesa hér á heimasíðu Skólaþróunar og hér á Facebook-síðu verðlaunanna.