Íþróttamaður Ölfuss

Styrmir Snær Þrastarson er Íþróttamaður Ölfuss árið 2021.

Styrmir Snær er fæddur 2001 og er einn efnilegasti körfuboltamaður landsins og Íslandsmeistari með Þór 2021. Styrmir var lykilleikmaður í meistaraflokki Umf. Þórs á síðustu leiktíð og átti stóran þátt í að Íslandsmeistaratitillinn vannst sem eitt og sér var mikið afrek hjá okkar klúbbi.

Á uppskeruhátíð Körfuknattleikssambands Íslands var Styrmir valinn í úrvalslið Dominosdeildar KKÍ sem er glæsilegt afrek hjá svona ungum leikmanni og að standa á meðal 5 bestu körfuknattleiksmanna Íslands í fullorðinsflokki er mikill heiður. Styrmir var einnig valinn besti ungi leikmaður Íslandsmótsins.

Styrmir hefur verið sterkur leikmaður í yngri flokkum Þórs og lykilleikmaður í unglingalandsliðum KKÍ. Árið 2021 var Styrmir valinn í 20 ára landslið Íslands sem keppti í Eistlandi og auk þess keppti hann með karlalandsliði Íslands í lokaumferð forkeppni að HM 2023 í Eistlandi.

Styrmir gat því miður ekki mætt á afhendinguna þar sem henn er í skóla í Bandaríkjunum og tók móðir hans við verðlaununum fyrir hans hönd.

Aðrar tilnefningar til íþróttamanns Ölfuss 2021.

• Silja Haraldsdóttir, tilnefnd fyrir akstursíþróttir.
• Davíð Arnar Ágústsson, tilnefndur fyrir körfuknattleik.
• Þorkell Þráinsson, tilnefndur fyrir knattspyrnu.
• Auður Helga Halldórsdóttir, tilnefnd fyrir fimleika.
• Katrín Stefánsdóttir, tilnefnd fyrir hestaíþróttir.
• Glódís Rún Sigurðardóttir, tilnefnd fyrir hestaíþróttir.
• Védís Huld Sigurðardóttir, tilnefnd fyrir hestaíþróttir.

Einnig voru veittar viðurkenningar til íþróttamanna sem unnu íslandsmeistaratila, bikarmeistaratitla eða voru í landsliði á árinu.

Viðurkenning fyrir íslandsmeistaratitla:

Leikmenn Körfuknattleiksliðs Umf. Þórs sem unnu íslandsmeistaratitilinn í Dominosdeild karla.

Íslandsmeistarar í 10. flokki kvenna í körfuknattleik.

Hildur Björk Gunnsteinsdóttir, Gígja Rut Gautadóttir og Ingunn Guðnadóttir.

Íslandsmeistarar í spjótkasti:

Viktor Karl Halldórsson

Róbert Khorchai Angeluson

Íslandsmeistari í hestaíþróttum:

Védís Huld Sigurðardóttir

Glódís Rún Sigurðardóttir

Viðurkenning fyrir bikarmeistaratitil:

Bikarmeistari í hópfimleikum:

Auður Helga Halldórsdóttir

Viðurkenning fyrir landsliðsverkefni:

Glódís Rún Sigurðardóttir og Védís Huld Sigurðardóttir landsliðskonur í hestaíþróttum.

Hildur Björk Gunnsteinsdóttir og Emma Hrönn Hákonardóttir leikmenní 16 ára landsliði kvenna í körfuknattleik.

Tómas Valur Þrastarson leikmaður í 16 ára landsliði karla í körfuknattleik.

Davíð Arnar Ágústsson og Ragnar Örn Bragason leikmenn í A landsliði karla í körfuknattleik.

Styrmir Snær Þrastarson leikmaður í A landsliði og 20 ára landsliði karla í körfuknattleik.