Af ávöxtum og vináttu

Síðustu tónleikar Tóna við hafið þennan vetur verða laugardaginn 1. maí þegar skólakórar Grunnskóla Þorlákshafnar flytja sögnleik sem byggir á Ávaxtakörfunni eftir Kristlaugu Maríu Sigurðardóttur. Sagan fjallar um viðkvæm mál eins og einelti, fordóma og vináttu.

Það er stór hópur sem tekur þátt í flutningi söngleiksins, eða yfir 50 börn og langar alla að fá hlutverk. Þessvegna hefur Ester Hjartardóttir, annar tónlistarstjóranna, breytt sögunni svolítið svo fleiri fái að njóta sín á sviðinu. Ester og Gestur Áskelsson eru tónlistarstjórar sýningarinnar og hafa æft lög Þorvaldar Bjarna Þorvaldssonar með kórunum síðan í janúar. Það er mikil eftirvænting hjá börnunum að fá að flytja söngleikinn og hafa þau æft allflesta daga síðustu vikurnar.

Söngleikurinn verður fluttur í Versölum, Ráðhúsi Ölfuss laugardaginn 1. maí klukkan 14:00.

 

Mynd tekin á æfingu hjá kórnum

 

Fleiri myndir er hægt að skoða á snjáldursíðunni: http://www.facebook.com/album.php?aid=170503&id=136961043748&upload=1