Álagning fasteignagjalda 2025

Álagningu fasteignagjalda í Sveitarfélaginu Ölfusi fyrir árið 2025 er nú lokið

Álagningarseðlar eru birtir rafrænt á vefsíðunni island.is undir „Mínar síður“ og er innskráning með veflykli ríkisskattstjóra eða rafrænum skilríkjum. Kröfur vegna fasteignagjalda birtast sem fyrr í netbanka greiðanda.

Álagningarseðlar eru ekki sendir í pósti í samræmi við breytingu sem gerð var á lögum nr. 4/1995 sem tók gildi 1. janúar 2019, en þá er sveitarstjórn heimilt að senda tilkynningu um álagningu fasteignaskatts rafrænt.

Gjalddagar fasteignagjalda eru sem fyrr 10 á ári frá 1.febrúar – 1.nóvember

Bæjarstjórn Ölfuss hefur ákveðið að tekjumörk elli-og örorkulífeyrisþega vegna afsláttar fasteignaskatts og fráveitugjalds á árinu 2025 verði eftirfarandi:

100% afsláttur: Einstaklingur með tekjur allt að 5.847.700 kr.

75% afsláttur: Einstaklingur með tekjur á bilinu 5.847.701-6.547.600 kr.

50% afsláttur: Einstaklingur með tekjur á bilinu 6.547.601-7.236.200 kr.

25% afsláttur: Einstaklingur með tekjur á bilinu 7.236.201-7.913.600 kr.

Enginn afsláttur er veittur einstaklingum með tekjur yfir 7.913.600 kr.

100% afsláttur: Hjón með tekjur allt að 7.744.250 kr.

75% afsláttur: Hjón með tekjur á bilinu 7.744.251-8.816.700 kr.

50% afsláttur: Hjón með tekjur á bilinu 8.816.701-9.889.200 kr.

25% afsláttur: Hjón með tekjur á bilinu 9.889.201-10.961.600 kr.

Enginn afsláttur er veittur hjónum með tekjur yfir 10.961.600 kr.

Einungis er veittur afsláttur vegna íbúðarhúsnæðis til eigin nota og skilyrði afsláttar eru að viðkomandi sé elli– eða örorkulífeyrisþegi, sé þinglýstur eigandi fasteignar, eigi þar lögheimili og geti átt rétt á vaxtabótum vegna hennar skv. B-lið 68. gr. laga nr. 90/2003 um tekjuskatt og eignaskatt.

Upplýsingar um þá sem eiga rétt á afslætti koma beint frá Ríkisskattstjóra í gegnum álagningarkerfið og því þurfa íbúar ekki að sækja sérstaklega um afslátt.

Reglur um afslátt af fasteignagjöldum og holræsagjaldi

Starfsfólk bæjarskrifstofu veitir allar nánari upplýsingar um þetta fyrirkomulag svo og álagningu gjaldanna sjálfra.