Auglýsing á skipulagslýsingum

Bæjarstjórn Sveitarfélagsins Ölfuss samþykkti þann 30. mars 2023 eftirtaldar skipulagslýsingar til auglýsingar í samræmi við 30. og 40. greinar skipulagslaga nr. 123/2010:

Skipulagslýsing vegna fyrirhugaðrar deiliskipulagsgerðar fyrir byggð vestan Þorlákshafnar, norðan Selvogsbrautar

Fyrirhugað er að deiliskipuleggja reiti sem heita ÍB10 og ÍB11 í aðalskipulagi og skilgreina byggingarreiti og setja skilmála fyrir uppbyggingu íbúðabyggðar á svæðinu. Í lýsingunni kemur fram hvaða áherslur verða við deiliskipulagsgerðina og fram koma upplýsingar um forsendur og fyrirhugað skipulagsferli, svo sem um kynningu og samráð við skipulagsgerðina gagnvart íbúum og öðrum hagsmunaaðilum.

Vesturbyggð norðan Selvogsbrautar - skipulagslýsing

Skipulagslýsing á breytingum á aðalskipulagi og deiliskipulagsgerð vegna efnistökusvæðis við Litla-Sandfell

Gert er ráð fyrir að stækka námavinnslusvæðið í Litla-Sandfelli úr 24,2 ha í um 40 ha. Í lýsingunni kemur fram hvaða áherslur verða við deiliskipulagsgerðina og fram koma upplýsingar um forsendur og fyrirhugað skipulagsferli, svo sem um kynningu og samráð við skipulagsgerðina gagnvart íbúum og öðrum hagsmunaaðilum

Litla Sandfell - skipulagslýsing

Lýsingarnar verða til sýnis á bæjarskrifstofu Ölfuss, Hafnarbergi 1, Þorlákshöfn dagana 12. apríl til 3. maí 2023. Hægt er að senda ábendingar eða athugasemdir á netfangið skipulag@olfus.is eða með bréfpósti á Skipulagsfulltrúi, Hafnarbergi 1, 815 Þorlákshöfn fyrir lok vinnudags þann 3. maí 2023.

Gunnlaugur Jónasson, skipulagsfulltrúi