Auglýsing deiliskipulagstillagna og skipulags- og matslýsingar

Eftirtaldar skipulagstillögur voru samþykktar til auglýsingar af bæjarráði Ölfuss þann 30. júní, í samræmi við 1. málsgrein 41. greinar skipulagslaga nr. 123/2010:

Deiliskipulag fyrir Akurholt II í Ölfusi

Í tillögunni eru markaðir byggingarreitir fyrir íbúðarhús, gestahús og hús til landbúnaðarnota. Hún hefur hefur verið auglýst áður en fjarlægð íbúðarhúsa frá fyrrverandi Suðurlandsvegi náði ekki tilskyldum 100 metrum. Þetta hefur verð lagfært í þeirri tillögu sem hér er auglýst.

Deiliskipulagstillaga Akurholt II

Breyting á deiliskipulagi Hellisheiðarvirkjunar

Með tillögunni er lóðum í jarðhitagarði fækkað úr 46 í 14. Borteigur vestan tengivirkis og austan lóða við Bolavelli stækkar úr 2,8 ha í 4,3 ha þar sem lóðir næst borteignum falla út úr deiliskipulagi. Eftir stækkun borteigsins er afmörkun hans sú sama og hún var, áður en borteigurinn var minnkaður í breytingu á deiliskipulagi vegna nýrra lóða í jarðhitagarðinum, sem nú falla út úr deiliskipulaginu.

Breytingartillaga á deiliskipulagi Hellisheiðarvirkjunar

Tillögurnar verða til sýnis á bæjarskrifstofu Ölfuss, Hafnarbergi 1, Þorlákshöfn frá 6. júlí til 18. ágúst 2022. Hægt er að senda ábendingar eða athugasemdir á netfangið skipulag@olfus.is fyrir lok dags þann 18. ágúst 2022 eða með pósti á skipulagfulltrúi, Sveitarfélagið Ölfus, Hafnarbergi 1, 815 Þorlákshöfn.

Skipulags- og matslýsing fyrir fiskeldisstöð í Básum austan við Keflavík

Lögð er áhersla á að rekstur eldisstöðvarinnar verði sem mest í samræmi við hugmyndir um hringrásarhagkerfið og eru áætlanir um endurnýtingu eldisvökva og næringarefna til að viðhalda verðmætum auðlinda meðal annars í ylrækt á staðnum.

Áformað er að innan svæðisins rísi mannvirki eins og raf- og spennistöð, varaflastöðvar, gróðurhús, ker, vatnsmiðlunartankar, fóðursíló og súrefnistankar auk vatns- og frárennslislagna ásamt viðeigandi innviðum svo sem vegum, vegslóðum, bílastæðum, stígum og þess háttar. Vatnsöflun til rekstursins verður frá borholum innan lóðar og frárennsli verður síað og hreinsað áður en það er leitt til sjávar.

Skipulags-og matslýsing fiskeldisstöð í Básum

Lýsingin verður til sýnis á bæjarskrifstofu Ölfuss, Hafnarbergi 1, Þorlákshöfn frá 6. júlí til 4. ágúst 2022. Hægt er að senda ábendingar eða athugasemdir á netfangið skipulag@olfus.is fyrir lok dags þann 4. ágúst 2022 eða með pósti á skipulagfulltrúi, Sveitarfélagið Ölfus, Hafnarbergi 1, 815 Þorlákshöfn.

Gunnlaugur Jónasson, skipulagsfulltrúi Ölfuss