Auglýsing um forkynningu á deiliskipulagstillögu

Eftirfarandi skipulagstillaga verður til forkynningar á bæjarskrifstofu Ölfuss fyrir umfjöllun í bæjarstjórn Ölfuss í samræmi við 3. málsgrein 40. greinar skipulagslaga nr. 123/2010.

Deiliskipulag fyrir Laxabraut 11 í Þorlákshöfn

Efla ehf. hefur unnið deiliskipulagstillögu fyrir Laxabraut 11. Tillagan markar ramma um stækkun á núverandi fiskeldi á aðliggjandi lóð. Fyrirhugað er seiðaeldi og mögulega þauleldi á laxi eða öðrum fiskitegundum. Fyrirhugað er að reisa mannvirki í formi húsa, kerja, vatnsmiðlunartanka, fóðursílóa og súrefnistanka auk vatns- og frárennslislagna, ásamt lagningu vegslóða, vinnuplana og bílastæða. Fyrir liggur álit Skipulagsstofnunnar í samræmi við lög um umhverfismat áætlana nr. 111/2021.

Deiliskipulagstillaga Laxabraut 11

Uppdráttur Laxabraut 11

Tillagan verður til sýnis á bæjarskrifstofu Ölfuss, Hafnarbergi 1, Þorlákshöfn frá 14. – 16. desember 2021. Hægt er að senda ábendingar eða athugasemdir á netfangið skipulag@olfus.is fyrir lok vinnudags þann 16. desember 2021.

Gunnlaugur Jónasson, skipulagsfulltrúi