![32135_403251863748_136961043748_4213837_1621768_n](/media/ithrottir/medium/32135_403251863748_136961043748_4213837_1621768_n.jpg)
Mikið fjör var í sundlaugarpartýi hjá börnum á aldrinum 8-13 ára í gærkvöldi. Júlíana Ármannsdóttir lét börnin fara í leiki og síðan skemmtu þau sér konunglega við að hoppa út í laug og dilla sér við tónlistina.
Í kvöld eru það ungmenni fædd 1996 og fyrr mæta í sundlaugarpartý. Heilmikið fleira verður á boðstólum í dag. Listasmiðja fyrir börn verður við félagsmiðstöðina milli klukkan 14 og 16, Karókí verður í kvöld í Kiwanishúsinu og síðan verða tónleikar með hljómsveitinni BUFF í Versölum, Ráðhúsi Ölfuss. Þeir hefjast klukkan 20 og er miðaverð 1.500 krónur.
Mikil stemning er í bænum vegna Hafnardaga. Heilmikið er búið að skreyta í flestum hverfunum og gaman að sjá hvað fólki hefur dottið í hug til að draga athyglina að litunum í hverfinu.