Fréttaritari Ölfuss

Sveitarfélagið Ölfus og Útvarp Suðurland hafa gert með sér samning til þriggja mánaða.  Samningurinn gerir ráð fyrir að einu sinni í viku sé hringt í svonefndan fréttaritara á Ölfus svæðinu og hann segir frá því helsta sem um er að vera í Ölfusinu, miðlar stemningunni á svæðinu og hverju öðru sem vilji er til að koma á framfæri.  Ákveðið var að fyrst um sinn sjái menningarfulltrúi um að gegna hlutverki fréttaritara, en eftir því sem tilefni þykir til, verða aðrir fengnir til að koma með umfjöllun í útvarpinu.  Útsending innleggs úr Ölfusi verður á fimmtudögum klukkan 10:45 og er bæði hægt að hlusta í útvarpi og á netinu.

Íbúar eru hvattir til að koma skemmtilegum upplýsingum og áhugaverðum staðreyndum á framfæri við menningarfulltrúa, en hann velur úr efninu.

Ábendingar um innlegg sendist á: barbara@olfus.is

 

Hlusta á fyrsta þáttinn með fréttaritara úr Ölfusi:

http://www.youtube.com/watch?v=WD1nMXgIZx8