Herjólfshúsið í Þorlákshöfn

Handverksfélag Ölfuss hefur í sumar tekið þátt í rekstri Herjólfshússins í Þorlákshöfn, þar sem gestum og gangandi hefur boðist að kaupa kaffi og handverk auk þess sem ferðamenn hafa fengið upplýsingar um sveitarfélagið og nágrenni.  Þetta er annað sumarið sem Herjólfshúsið er nýtt á þennan hátt og hefur það sett skemmtilegan svip á bæjarlífið í Þorlákshöfn. Börnin í þorpinu eru sérlega dugleg að koma og fá lánaðar veiðistangir og björgunarvesti og húsið hefur verið vel sótt af ferðamönnum.  Þó er það svo að þeir erlendu hafa verið miklu meira áberandi en íslenskir, öfugt við það sem var í fyrrasumar og sennilega leikur veðrið þar stóran þátt.