Íbúafundur um skipulagsmál í Gljúfurárholti, 1. áfanga.

Sveitarfélagið stendur fyrir því að kynna staðfest aðalskipulag, reit Í10, og tillögu að deiliskipulagi um fjölgun íbúða innan reitsins. Deiliskipulagið var auglýst og inn komu athugasemdir við fjölgun á íbúðum innan svæðisins.

Spurningar og umræður.

Gljúfurárholt, fyrsti áfangi deiliskipulag

Fyrir hönd eigenda lóða í fyrsta áfagna Gljúfurárholts, leggur Cassaro ark ehf inn deiliskipulagstillögu. Lagt er til að heimila byggð á svæðinu fyrir 112-126 íbúa. Tillagan gerir ráð fyrir 20 íbúðahúsum á 1-2 hæðum. Á lóðunum Klettagljúfur 1-7 verði heimiluð einbýlishús og parhús. Á lóðunum Klettagljúfur 2-12 verði heimiluð einbýlis- og tvíbýlishús. Hellugljúfur 1 og 2 verði heimiluð einbýlishús og parhús. Á lóðunum Klettagljúfur 9-23 verði heimiluð einbýlis-, tvíbýlis- og fjölbýlishús með allt að 5 íbúðum í hverju húsi. Lámarksstærð hverrar íbúðar á þessum lóðum sé minnst 60 m2. Innan byggingarreits eins og skipulagstillagan sýnir, er gert ráð fyrir að hægt sé að vera með hesthús innan byggingarreits á öllum lóðum þar sem svæðið er skástrikað. Fjarlægðarmörk fyrir hesthús eru þessi samkvæmt samningi um uppbyggingu á hverfinu.Hesthús verði minnst 40 m fjarlægð frá íbúðahúsum aðliggjandi lóða og eða í minnst 25 m fjarlægð frá lóðarmörkum. Ennfremur í minnst 100 m fjarlægð frá mörkum aðliggjandi jarða þar sem það á við. Heimilt er að vera með gróðurhús innan byggingarreits.

Afgreiðsla: Tekið er jákvætt í deiliskipulagstillöguna. Vinna þarf greinargerðina með tillögunni betur þannig að hún falli að samþykktum um m.a. byggingu hesthúsa. 

Afgreiðsla: Lagfæra þarf greinargerðina í samræmi við samning um uppbyggingu á svæðinu er varðar hesthús á lóðum. Samþykkt að heimila að tillagan fari í lögboðinn auglýsingarferil eftir lagfæringar á greinargerðinni.

 

Fundargerð skipulags- bygginga- og umhverfisnefndar frá 16. nóvember sl. lögð fram.

Fundargerðin staðfest samhljóða.