Laust starf fyrir talmeinafræðing

Talmeinafræðingur óskast

Staða talmeinafræðings fyrir leik- og grunnskóla í Sveitarfélaginu Ölfus er laust til umsóknar. Um er að ræða 50% stöðu við Grunnskólann í Þorlákshöfn og leikskólann Bergheima. Nemendafjöldi er um 320.

Helstu verkefni og ábyrgðarsvið:

• Vinna að snemmtækri íhlutun í málþroska og stuðla þannig að fyrirbyggjandi aðgerðum sem komið geta í veg fyrir langvarandi námsvanda.
• Veita ráðgjöf til foreldra og starfsfólks.
• Þátttaka í þverfaglegri vinnu í leik- og grunnskóla.
• Koma að móttöku barna með annað tungumál.
• Gera málþroska- og framburðargreiningar og sinna þjálfun og eftirfylgd.

Menntunar- og hæfniskröfur:

• Starfsleyfi sem talmeinafræðingur.
• Færni í mannlegum samskiptum.
• Sjálfstæði í vinnubrögðum, frumkvæði og skipulagshæfni.
• Hæfni til að sinna fræðslu og ráðgjöf til foreldra- og starfsmannahópa.
• Reynsla af sambærilegu starfi er æskileg.

Umsóknarfrestur er til og með 30. júní 2019.

Nánari upplýsingar um starfið veita Ólína Þorleifsdóttir skólastjóri  grunnskólans  síma 8611732 eða í tölvupósti olina@olfus.is og Dagný Erlendsdóttir leikskólastjóri í síma 8689339 eða í tölvupósti  dagny@olfus.is.

Launakjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélags.

Áhugasamir einstaklingar, án tilliti til kyns, eru hvattir til að sækja um.

Umsækjendur eru beðnir um að sækja um rafrænt á heimasíðu Ölfuss https://www.olfus.is/ . Umsókn skal fylgja ítarleg starfsferilskrá.