Nýjar lóðir til úthlutunar

Sveitarfélagið Ölfus auglýsir nýjar rað- og parhúsalóðir lausar til úthlutunar við Vetrarbraut í Þorlákshöfn.

Lóðirnar eru norðan við Þorlákskirkju og tengjast íbúðasvæði eldri borgara við Sunnubraut og Mánabraut.  Vestan við svæðið er íþróttasvæði Þorlákshafnar, grunnskóli og leikskóli eru í næsta nágrenni og stutt er í alla þjónustu.

Gatnagerð á svæðinu mun hefjast á haustmánuðum og verður henni lokið í lok árs.  Í fyrstu úthlutun hafa aðilar 60 ára og eldri forgang en að öðru leyti gilda úthlutunarreglur sveitarfélagsins  sem má lesa hér.   Fyrsta úthlutun fer fram á fundi afgreiðslunefndar byggingarfulltrúa 12.ágúst nk. Umsóknir þurfa að berast fyrir 5.ágúst.  Afhending verður í síðasta lagi 1. janúar 2022.

Umsóknir fara fram í gegnum íbúa- og þjónustugátt sveitarfélagsins á forsíðu eða á www.olfus.ibuagatt.is.
Gjald er tekið fyrir hverja umsókn.

Deiliskipulagsuppdráttinn má skoða hér. 

Skilmálar deiliskipulags

Húsagerðir:
Raðhús: Heimilt  er að reisa parhús eða þriggja íbúða raðhús á einni hæð innan byggingarreits ásamt bílageymslu.

Parhús: Heimilt er að reisa parhús á einni hæð innan byggingarreits ásamt sambyggðri bílageymslu