Ölfus hafði betur í grannaslagnum á móti Hvergerðingum í Útsvarinu.

Fyrsta viðureign Ölfusinga í Útsvarinu fór fram í kvöld þegar þeir öttu kappi við Hvergerðinga.

Það voru þau Árný Leifsdóttir, Hannes Stefánsson og Magnþóra Kristjánsdóttir sem leiddu lið Ölfuss til sigurs í kvöld með 66 stigum á móti 50 stigum Hvergerðinga. 
Ölfusingar náðu góðri forystu í upphafi leiks en Hvergerðingar náðu góðum spretti um miðbik þáttar og komust tveimur stigum yfir. Það var svo í valflokkaspurningunum  sem Ölfusingar sigu aftur vel fram úr og héldu þeirri forystu til leiksloka.