Sveitarfélagið Ölfus auglýsir eftirfarandi störf:

 Sveitarfélagið Ölfus auglýsir eftirfarandi störf:

Forstöðumaður á heimili fatlaðs fólks – Þorlákshöfn

Leitað er eftir metnaðarfullum og áhugasömum einstaklingi í starf forstöðumanns á heimili fatlaðs fólks.  Á heimilinu er veitt einstaklingsmiðuð aðstoð með áherslu á valdeflingu og sjálfstætt líf.  Um er að ræða 100% starf.

Helstu verkefni og ábyrgð:

• Faglegt starf og þjónusta við íbúa
• Daglegur rekstur heimilisins, stjórnun og starfsmannamál
• Innkaup fyrir heimilið
• Einkafjármunir íbúa og heimilissjóður samkvæmt umboði
• Gerð áætlana fyrir heimilið s.s. launa- og fjárhagsáætlanir
• Fjármál og eftirlit með þeim
• Meðferð gagna og upplýsinga
• Að þjónusta og starfsemi sé í samræmi við lög, reglugerðir og samning sameinuðu þjóðanna.
  
  

Menntunar- og hæfniskröfur:

• Þroskaþjálfamenntun og starfsleyfi sem þroskaþjálfi eða önnur sambærileg háskólamenntun sem nýtist í starfi
• Reynsla af starfi með fötluðu fólki
• Reynsla af stjórnun og starfsmannamálum æskileg
• Reynsla af skipulagi starfs á sviði þroskaþjálfunar æskileg
• Frumkvæði, sjálfstæði og skipulagshæfileikar
• Góð samskipta- og samstarfshæfni
• Þjónustulund, góð framkoma og snyrtimennska
• Þekking á lögum sem snúa að málaflokknum
   

Þroskaþjálfi á heimili fatlaðs fólks – Þorlákshöfn

Óskað er eftir þroskaþjálfa til starfa á heimili fatlaðs fólks.  Starfið felst í persónulegum stuðningi og þátttöku í faglegu starfi á heimilinu. Um er að ræða allt að  100% starfshutfall í vaktavinnu og er starfið laust nú þegar.  Um framtíðarstarf er að ræða.

Helstu verkefni og ábyrgð:

• Ábyrgð á faglegu starfi í samvinnu við forstöðumann
• Einstaklingsmiðaður stuðningur við íbúa í þeirra daglega lífi, jafnt innan sem utan heimilis.
• Samvinna við starfsfólk, aðstandendur og aðra þjónustuaðila.

Menntunar- og hæfniskröfur

• Háskólamenntun á sviði þroskaþjálfunar.
• Reynsla og þekking á starfi með fötluðu fólki nauðsynleg.
• Hæfni í mannlegum samskiptum.
• Framtakssemi og jákvæðni í starfi.
• Starfið getur verið andlega og líkamlega krefjandi.

Laun eru samkvæmt gildandi kjarasamningi Sambands íslenskra sveitarfélaga við viðkomandi stéttarfélag. 

Nánari upplýsingar um starfið eru veittar af Maríu Kristjánsdóttur, forstöðumanni Skóla- og velferðarþjónustu Árnesþings, sími: 483-4000, netfang maria@hveragerði.is

Umsóknum skal skilað til Sveitarfélagsins Ölfus, Hafnarbergi 1, 815 Þorlákshöfn eða á netfangið maria@hveragerdi.is.  Með umsókn skal skila upplýsingum um nám og starfsferil. 

Öllum umsóknum verður svarað.

Umsóknarfrestur er til 27. júní 2018.