Til hamingju sjómenn

Sveitarfélagið Ölfus óskar sjómönnum og fjölskyldum þeirra innilega til hamingju með daginn.

Nú standa yfir Hafnardagar og af því tilefni og af tilefni Sjómannadagsins, er boðið upp á margvíslega viðburði. Sjómannadagsmessa hefst klukkan 11:00, boðið verður upp á hoppukastala fyrir börnin frá klukkan 12:00-14:00 í íþróttahúsinu og Kvenfélag Þorlákshafnar býður upp á leiksýninguna Prumpuhólinn með Möguleikhúsinu í Grunnskólanum klukkan 16:00.

Ýmsar sýningar verða í gangi. Á bókasafninu er sýning um báta og útgerð í Þorlákshöfn og myndir tengdar sama efni eru á ljósmyndasýningu á Selvogsbraut.  Félag eldri borgara er með handverkssýningu á Egilsbraut 9 frá klukkkan 13:00 til 18:00 og ekki má gleyma kaffihlaðborði Slysavarnarfélagsins Mannbjargar.

Í útvarpinu verður heilmikil dagskrá tileinkuð sjómönnum og sjósókn og verða Jóhann Davíðsson og Þorsteinn Lýðsson á baujuvaktinni um morguninn.