Umhverfisverðlaun Ölfuss veitt á sumardaginn fyrsta

18.04.2012

Á hátíðardagskrá á Reykjum í Ölfusi verða veitt auk umhverfisverðlauna Hveragerðisbæjar, umhverfisverðlaun Sveitarfélagsins Ölfuss

Opið hús verður í Landbúnaðarháskóla Íslands á Reykjum í Ölfusi á sumardaginn fyrsta.

Skólinn er opinn frá kl. 10 til 18. Í aðalbyggingu skólans fer fram Íslandsmeistarakeppni í blómaskreytingum og eru allir velkomnir til að fylgjast með keppendum að störfum. Sumarið er komið í garðskálanum og hægt er að heimsækja hitabeltið í bananahúsinu og pottaplöntusafninu. Verkefni nemenda í skrúðgarðyrkju verða til sýnis í verknámshúsi. Kaffiveitingar og markaðstorg með garðyrkjuafurðir. Kl. 13:30-14:40 verður hátíðardagskrá (sjá neðar) þar sem afhent verða garðyrkjuverðlaun LbhÍ, Umhverfisverðlaun Hveragerðisbæjar og Umhverfisverðlaun Sveitarfélagsins Ölfus.

Umhverfisverðalun Ölfuss eru veitt fyrir einstakt framtak á sviði umhverfismála þar sem horft er til fyrirtækja, stofnana og einstaklinga innan sveitarfélagsins sem láta sig umhverfismál varða, hafa mótað sér umhverfisstefnu eða á annan hátt verið til fyrirmyndar hvað umhverfismál varðar.