Unga fólkið og tónlistin

Það var glatt á hjalla í morgun þegar barnadeildin fylltist af kátum börnum sem nutu samvistar við hvert annað, bækur og leikföng og nutu lifandi tónlistar. Barbara Guðnadóttir reið á vaðið og spilaði fyrir þau nokkur lög á selló. Síðan mætti Guðmundur Pálsson og spilaði á fiðlu ýmsar dægurperlur og fjölmörg þekkt sönglög. Börnin hlustuðu hugfangin og fengu síðan að gæða sér á ávöxtum.

Í kvöld verður síðan handavinnukvöld á glervinnustofunni Hendur í höfn. Þar eru allir velkomnir milli kl. 20 og 22, þar sem unnið verður að gerð vinateppis og einnig er hægt að taka með aðra handavinnu.